Ulttyq lıgadaǵy el chempıonatynyń 2-shi týrynda jeńilissiz kele jatqan atyraýlyqtar almatylyqtarǵa ese jiberdi
ALMATY. 12 jeltoqsan. QazAqparat - Keshe Pavlodarda voleıboldan Ulttyq lıgadaǵy erler komandalary arasynda ótip jatqan HHІ Qazaqstan chempıonatynyń 2-shi týrynda
almatylyqtar kósh bastap kele jatqan atyraýlyqtarmen aradaǵy upaı aıyrmasyn 1-ge deıin qysqartty. Atyraýlyqtardan bir oıyn kem almatylyqtardyń endi olardy qýyp jetip, basyp ozýǵa múmkindigi tolyq jetedi. Almatylyqtardyń alda áli úsh kezdesýi bolsa, atyraýlyqtardyń eki oıyny ǵana qaldy.
Búgin barlyq komandalar bir kún tynyǵyp, erteń jarysty qaıta jalǵastyrady. Onda almatylyqtar qyzyljarlyqtarmen («Esil»), atyraýlyqtar hromtaýlyqtarmen («TNK Qazhrom»), oraldyqtar («Kondensat») alań qojaıyndarymen kezdesedi. Buǵan deıin hromtaýlyqtar almatylyqtardy 3:2, al atyraýlyqtar qyzyljarlyqtardy 3:1 esebimen utqan bolatyn.
