Ulttyq lıgadaǵy áıelder komandalary el chempıonatynyń 3-shi týryndaǵy aqtyq oıyndaryn ótkizýde
ALMATY. 29 qańtar. QazAqparat - Búgin Şýchınsk qalasynda voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 3-shi týryndaǵy aqtyq 2 kezdesý ótedi.
Onda 11 oıynnan keıin týrnır kestesinde 31 upaımen kósh bastap kele jatqan Taldyqorǵannyń «Jetisýy» 8 upaımen kósh sońynda qalyp qoıǵan «almatylyq» voleıbolshylarmen kúsh synasady. Al 19 upaımen ekinshi orynda turǵan «astanalyqtar» 11 upaımen 4-shi satyǵa turaqtaǵan «qaraǵandyqtarmen» kezdesedi. Almatylyqtar taldyqorǵandyqtarǵa alǵashqy 2 týrda 0:3 bop oısyraı utylsa, qaraǵandylyqtar birinshi týrda 1:3 bop jeńilgenimen, ekinshi týrda 3:2 esebimen basym túsken edi. Úshinshi týrdy ózgelerden buryn aıaqtaǵan Pavlodardyń «ErtisQazhromy» 15 upaımen úzdik úshtikti túıindeýde. Olar bul joly óz qorjynyna múmkin bolǵan 9 upaıdyń altaýyn ǵana saldy. Atap aıtqanda qaraǵandylyqtardy 3:0, astanalyqtardy 3:2 etip utyp, taldyqorǵandyqtarǵa 0:3, almatylyqtarǵa 2:3 bop jeńilip qaldy.
