Ulttyq lıgadaǵy áıelder komandalary arasyndaǵy el chempıonatynyń 3-týryn almatylyqtar sátsiz bastady
ALMATY. 16 qańtar. QazAqparat /Erlik Erjanuly/ - Keshe Astanada voleıboldan Ulttyq lıgadaǵy áıelder komandalary arasyndaǵy HH Qazaqstan chempıonatynyń 3-týr oıyndary jalaýyn kóterdi.
Alǵashqy kúngi kezdesýde Pavlodaror oblysynyń «ErtisQazhrom» men Astana qalasynyń «Astana» komandalary Óskemen («ShyǵysQorǵasynQurlys») pen Temirtaýdan («Metallýrg AMT») kelgen qarsylastaryn 3:0 esebimen utty. Al Qaraǵandy oblysynyń («Qaraǵandy») voleıbolshylary «Almaty» komandasynan 3:1 esebimen basym tústi. Búgin endi alǵashqy kúni jupsyz qalǵan «jetisýlyqtar» (Almaty oblysy) pavlodarlyqtardyń arynyn basýy múmkin. Al temirtaýlyqtar qaraǵandylyqtarmen, óskemendikter astanalyqtarmen kúsh synasyp kóredi.
Týrnır kestesinde buǵan deıingi 2 týrda «Jetisý» - 36, «Ertis-Qazhrom» - 26, «Astana» - 25, «Qaraǵandy» - 14, «Almaty» - 10, «Metallýrg AMT» - 9, «Shyǵys-QorǵasynQurylys» - 6 upaı jınaǵan edi. Ótken maýsymda el chempıony atanǵan Almaty oblysynyń sportshylary bul maýsymda da qarsylas shaq keltirer emes. Olar 2 týrda da óz qorjynyna múmkin bolǵan eń joǵary upaı qoryn jınaı aldy.
