Ulttyq lıgadaǵy áıelder komandalary arasyndaǵy el chempıonatynyń 1-týrynda almatylyqtar alǵashqy jeńisine qol jetkizdi
ALMATY. 24 qarasha. QazAqparat /Erlik Erjanuly/ - Keshe Óskemende voleıboldan Ulttyq lıgadaǵy áıelder arasynda ótip jatqan HH Qazaqstan chempıonatynyń 1-týrynda «Almaty» komandasynyń qorjynyna alǵashqy 3 upaı tústi.
21 qarasha kúni «astanalyq» qurbylaryna 0:3 esebimen oısyraı utylǵan olar keshe Temirtaýdyń «Metallýrg AMT» voleıbolshylarynan dál osyndaı eseppen basym tústi. Qazir alǵashqy 3 kúnniń qorytyndysy boıynsha týrnır kestesinde 9 upaımen astanalyqtar kósh bastap kele jatyr. Olar «Almaty», «Metallýrg AMT» jáne Óskemenniń «Shyǵys-QorǵasynQurylys» komandalaryn 3:0 esebimen tize búktirdi. Al birneshe jyldan beri el chempıonatynda top jaryp júrgen Almaty oblysynyń «Jetisýy» keshe Qaraǵandy oblysynyń («Qaraǵandy») voleıbolshylaryn 3:0, al arǵy kúni Pavlodar oblysynyń («Ertis-Qazhrom») sportshylarynan 3:1 esebimen basym túsken bolatyn.
Búgin endi jarys kestesine sáıkes barlyq komandalar tynyǵýda. Erteń «Ertis-Qazhrom» men «Qaraǵandy», «Jetisý» men «Astana», «Shyǵys-QorǵasynQurylys» pen «Almaty» ózara kúsh synasady. Eger jetisýlyqtar bul synda óz basymdyǵyn dáleldeı alsa, týrnır kestesinde kóshbasshylyq tizgindi óz qolyna alatyn bolady. Óıtkeni olar budan keıingi oıyndaryn 2010/2011 jylǵy maýsymda 5-7 oryndy bólisken Almaty, Temirtaý jáne Óskemen qalalarynyń komandalarymen ótkizedi. Olar qazirdiń ózinde bıylǵy chempıonattyń kúmis júldegeri sanalatyn pavlodarlyqtar men onda úzdik tórttikti túıindegen qaraǵandylyqtardan óz sheberliginiń joǵary ekenin dáleldeı aldy.
