Ulttyq lıgadaǵy áıelder komandalary arasyndaǵy el chempıonatynda jetisýlyqtar bıyl da kóshbasshylyqty eshkimge berer emes
ALMATY. 26 qarasha. QazAqparat /Erlik Erjanuly/ - Óskemende voleıboldan Ulttyq lıgadaǵy áıelder arasynda HH Qazaqstan chempıonatynyń 1-týry ótip jatyr
Alǵashqy 4 kúngi oıyn qorytyndysy boıynsha jeńilissiz kele jatqan Almaty oblysynyń «Jetisý» komandasy kóshbastaýda. Olar «Qaraǵandy» (Qaraǵandy oblysy) men «Astana» (Astana qalasy) komandalaryn 3:0, al Pavlodar oblysynyń «Ertis-Qazhrom» komandasyn 3:1 esebimen utty. 2010/2011 jylǵy maýsymnyń aqtyq synynda óner kórsetken basty qarsylastaryn túgel utqan jetisýlyqtar jańa maýsymda da ózderiniń chempıondyq ataǵyn saqtap qalýǵa múmkindigi bar ekenin tolyq dáleldeı aldy. Búgin olar ótken chempıonatta úzdik bestikti túıindegen «Almaty» (Almaty qalasy) voleıbolshylarymen óz sheberligin synaıdy. Al 27-28 kúnderi Temirtaýdyń «Metallýrg AMT» men Óskemenniń «Shyǵys-Qorǵasyn Qurylys» komandalarymen kezdesedi.
Keshe pavlodarlyqtar qaraǵandylyqtardy 3:0 esebimen utsa, óskemendikter almatylyqtarmen (3:2) upaı bólisken bolatyn. Búgin endi pavlodarlyqtar astanalyq, temirtaýlyqtar óskemendik voleıbolshylarmen kúsh synasady.
