Ulttyq lıgadaǵy áıelder komandalary arasynda «jetisýlyq» voleıbolshylarmen eshkim upaı bólise almaýda
ALMATY. 23 jeltoqsan. QazAqparat /Erlik Erjanuly/ - Almatydaǵy «Temir dos» sport kesheninde voleıbol Ulttyq lıgadaǵy áıelder komandalary arasyndaǵy ótip jatqan
HH Qazaqstan chempıonatynyń 2-týrynda da Almaty oblysynyń sportshylary barlyq qarsylastaryn aıqyn basymdyqpen utýda. Olar «Ertis-Qazhromdy» (Pavlodar oblysy) 3:1, «Astana» men «Almatyny» 3:0 esebimen jeńdi. «Jetisý» voleıbolshylary búgin endi «Qaraǵandymen» (Qaraǵandy oblysy) kúsh synasady. Sondaı-aq, «Shyǵys-QorǵasynQurylys» (Óskemen) pen «Metallýrg AMT» (Temirtaý), «Almaty» men «Ertis-Qazhrom» ózara sheberlik baıqasady.
18 jeltoqsanda jalaýy kóterilgen bul baıraqty báseke jeksenbi kúni aıaqtalady. Alǵashqy 4 kúnniń qorytyndysy boıynsha óz qorjyndaryna jetisýlyqtar - 9, astanalyqtar - 7, qaraǵandylyqtar - 6, pavlodarlyqtar men temirtaýlyqtar - 4, almatylyqtar men óskemendikter 3 upaı qosty. 1-týr oıyndarynda «Jetisý» - 18, «Ertis-Qazhrom» - 15, «Astana» - 12, «Almaty» - 7, «Qaraǵandy» - 6, «Shyǵys-QorǵasynQurylys» - 3, «MetallýrgAMT» 2 upaı jınaǵan bolatyn.
