Ulttyq quryltaıdyń Ulytaýda bastalýynyń sımvolıkalyq máni bar – Edil Jańbyrshın
«Quryltaıdyń úlken sımvolıkalyq mańyzy bar dep esepteımin. Referendýmnan keıingi bir eldiń basyn biriktirý arqyly ótip jatqan alqaly otyrys dep bilemin. Sondyqtan, bul jerde birinshi kútetinim – búkil qazaqtyń, eldiń basyn biriktiretin alqaly jıynda úlken ıdeıalar, pikirlerdiń aıtylýy», - dedi depýtat.
Sondaı-aq, ol qazaqtyń basyna aýyr synaq túskende túıini osy Ulytaý tórinen tarqatylǵanyn da eske aldy.
«Eldiń basyna kún týǵan kezde ata-babamyz osy jerde jınalyp, eldik máselelerdi, tipti geosaıası máselelerdi sheshken. Altyn Ordanyń qurylýyna sebepshi bolǵan, Qasym hannyń qasqa joly, Esim hannyń eski joly, Táýke hannyń jeti jarǵysy jazylǵan oryndar ǵoı. Bul jerden handar tek qazaq halqyna ǵana emes, eldiń tórt tarabyna túgel bıligin júrgizgen. Bul jerdiń sondaı úlken sımvolıkalyq mańyzy bar. Referendýmnan keıingi Qazaqstannyń jańa traektorııasyn bas qosyp sheshedi degen oıdamyn», - deıdi Edil Jańbyrshın.
Aıta keteıik, búgin Prezıdent jańadan qurylǵan Ulytaý oblysyna jumys saparymen kelgen bolatyn.
Osy sapar aıasynda Memleket basshysy Ulttyq quryltaıdyń alǵashqy otyrysyna qatysady.