Ulttyq quryltaıda assambleıa músheleri de bolýy kerek – Aıda Balaeva
«Búginde Memleket basshysy jarııalaǵan reformalar paketi kezeń-kezeńimen júzege asyrylyp jatqanyn kórip otyrmyz. Prezıdent óz Joldaýynda 10-nan astam zań qabyldanǵanyn aıtty. Qoǵamdyq keńester, aqparatqa qoljetimdilik týraly zańǵa túzetýler engizildi. Osy máseleler men zańnamalyq túzetýlerdiń bári qoǵam men memleket arasyndaǵy dıalogty kúsheıtýge yqpal etedi. Meniń oıymsha, osy dıalogty ári qaraı óristetý kerek. Assambleıanyń búkil ınstıtýttarynyń osy turǵyda toptasyp jumys istegeni mańyzdy», - dedi Aıda Balaeva.
Sondaı-aq, ol Qazaqstan halqy assambleıasynyń kadr rezervin qurý týraly usynysty qoldaıtynyn jetkizdi.
«Biz QHA kóshbasshylyq mektebin qurýymyz kerek. Ózimizdiń ınstıýttarymyzdyń mıssııalaryn oryndaı otyryp, ári qaraı jumys isteıtin jas jáne jigerli azamattardyń pýlyn qalyptastyrýymyz qajet. Bizge Parlament Senatynyń depýtattyǵyna kandıdattardy irikteý rásimin ázirleý jóninde usynystar engizý qajet. Zań turǵysynan qalaı boltanyn zerdeleýge bolady. Prezıdent qoǵamdyq keńester men basqa da úkimettik emes uıymdardyń Ulttyq quryltaıǵa kiretinin aıtty. Bul jerde QHA keńesteri men ınstıtýttarynyń Qazaqstannyń árbir azamatynyń múddesin qorǵaı otyryp, Ulttyq quryltaı quramynda bolýy da mańyzdy. Sonyń aıasynda jedel túrde úlgilik jospardy ázirleıtin jumys toptaryn qurý kerek shyǵar. Ol jospardyń búkil tarmaqtary respýblıkalyq aýqymda iske asyrylýy tıis», - dedi Prezıdent ákimshiligi basshysynyń orynbasary.
