Ulttyq quryltaı jumysyna azamattyq sektor keńinen tartylady – Aqparat vıtse-mınıstri
«Mınıstrlik qoǵamdyq keńesterdiń qyzmetin jetildirý jáne quramyn jańartý jónindegi jumysty jalǵastyratyn bolady. Qazirgi ýaqytta 102 qoǵamdyq keńes qurylǵan, 111-i qalyptasý barysynda. Sonymen qatar, jańartylǵan quramdardy qalyptastyrý kezinde belsendi ÚEU-lar ókilderin, partııalar men azamattyq ınstıtýttardy barynsha tartý usynylady», - dedi D. Qadyrov Qazaqstannyń Azamattyq alıansy alańynda Joldaýdy talqylaý kezinde.
Onyń sózine qaraǵanda, bıyl alǵash ret Qazaqstan Respýblıkasyndaǵy qoǵamdyq keńesterdiń qyzmeti týraly Ulttyq baıandama daıyndalady. Onda qoǵamdyq keńester jumysynyń tıimdiligine jáne onyń odan ári damýy perspektıvalaryna taldaý jasalatyn bolady.
Osyǵan qosa, birinshiden, memlekettik áleýmettik tapsyrys júıesi arqyly ÚEU jobalaryn josparlaý tásili qaıta saraptalady. Máselen, qazirgi tańda Parlamentte tıisti zań jobasy qaralýda, ol ÚEU-ny memlekettik qoldaýdyń sapasy men ashyqtyǵyn aıtarlyqtaı dárejede jaqsartatyny anyq.
«Ekinshiden, eldi damytýdyń ózekti mindetteri men máselelerin sheshý úshin belsendi azamattardy tartý maqsatynda múddeli memlekettik organdarmen birlesip, ÚEU-ny onyń barlyq kezeńderinde memlekettik sheshimder qabyldaý protsesine tartý tetikteri jetildiriletin bolady. Árbir sheshimge tyńǵylyqty taldaý jasalady. Úshinshiden, Parlament qabyrǵasynda azamattar men memlekettiń ózara is-qımylynyń sapaly jańa qaǵıdattaryn qalyptastyratyn «Qoǵamdyq baqylaý týraly» Zań jobasy talqylanýda», - dedi vıtse-mınıstr.
Onyń paıymynsha, Ulttyq quryltaıdyń qurylýy ashyq qoǵamdy qalyptastyrýda jáne «halyq únine qulaq asatyn memleket» tujyrymdamasyn júzege asyrýda mańyzdy kezeń bolyp otyr. Ulttyq quryltaı jumysyna azamattyq qoǵam ókilderi keńinen jumyldyrylady. Osy oraıda elimizdiń barlyq óńirinen túrli baǵyttar boıynsha qamtylady.
Aıta keteıik, Memleket basshysy bıylǵy Joldaýynda Ulttyq qoǵamdyq senim keńesi óz mindetin tabysty atqarǵanyn aıta kele, endi onyń ornyna quramy jaǵynan aýqymdy Ulttyq quryltaı qurýdy usyndy.
«Ulttyq quryltaıdyń quramynda elimizdegi barlyq aımaqtyń ókilderi bolady. Sondaı-aq, oǵan Parlamenttiń birqatar depýtaty, Qazaqstan halqy Assambleıasy men Azamattyq alıanstyń, qoǵamdyq keńester men uıymdardyń músheleri, bedeldi qoǵam qaıratkerleri, óndiris jáne aýyl sharýashylyǵy jumysshylary, bıznes ókilderi jáne taǵy basqa azamattar kiredi», - dedi Qasym-Jomart Toqaev.
