Ulttyq quryltaı – «Halyq únine qulaq asatyn memleket» jobasynyń jarqyn kórinisi – Sherzod Pýlatov

TÚRKІSTAN. QazAqparat – Ulttyq quryltaı qarsańynda jumys sektsııalarynyń otyrysy ótti. Jıynǵa qatysqan Astana qalasy «Ózbek etnomádenı ortalyǵy» qoǵamdyq birlestiginiń tóraǵasy Sherzod Pýlatov memleketti tildi damytyp, erekshe mártebe berý kerektigin jetkizdi, dep habarlaıdy QazAqparat tilshisi.

«Men Qazaqstan halqy Assambleıasynyń múshesimin. El birligin saqtaý isinde Assambleıa kóptegen jumys atqardy. Barsha ulttyń basyn qosty. Biz ármen qaraı osy birligimizdi saqtaýymyz qajet. Birlik – bizdiń ulttyq máselemiz. Osy baǵytta memleketti tildi damytyp, erekshe mártebe berýimiz kerek», – dedi ol.

Sondaı-aq Memleket basshysynyń «Halyq únine qulaq asatyn memleket» jobasy Ulttyq quryltaıdan aıqyn kórinis taýyp otyrǵanyn atap ótti.

«Halyq únine qulaq asatyn memleket jobasynyń negizin ulttyq quryltaıdan kórip otyrmyn. Sebebi quryltaı músheleri halyqtyń ortasynan shyqqan azamattar, olar halyqpen árqashan tyǵyz baılanysta jumys isteıdi. Halyq múddesin osyndaı alańdarda kóterip, sheshilýine úles qosyp keledi» – dedi Sherzod Pýlatov.