Ulttyq quramanyń úsh boksshysy fınalda «Arlandarǵa» kómektesedi
ASTANA. QazAqparat - Ulttyq quramadan úsh boksshy fınalda «Arlandarǵa» kómektesedi, dep habarlaıdy QazAqparat tilshisi.
Esterińizge sala keteıik, 15-shildede Astana tórindegi «Qazaqstan» sport kesheninde «Kýba Domadores» klýby men elordalyq «Astana arlandary» Dúnıejúzilik boks serııasynyń (WSB) fınaldyq saıysyn ótkizedi.
Osyǵan oraı bokstan Qazaqstannyń ulttyq quramasynyń bas bapkeri Myrzaǵalı Aıtjanov komanda sapyndaǵy úsh beldi boksshysyn «Arlandarǵa» kómektesýge shyǵarý jóninde sheshim qabyldaǵanyn málim etti.
Aıtjanovtyń aıtýynsha, WSB dodasynyń sheshýshi básekesinde «Arlandardyń» qataryna 75 keli salmaqta Ádilhan Amanqul, 91 keli salmaqta Vasılıı Levıt asa aýyr salmaqta Qamshybek Qońqabaev synǵa túsedi.
Al ózge salmaqta synǵa túsetin «Arlandardyń» quramy aldaǵy aptada belgili bolmaq.
