Ulttyq quramanyń bas jattyqtyrýshysy «Astana» klýbyndaǵy bapkerligi týraly máseleni ashyp aıtty
ASTANA. QazAqparat - Qazaqstannyń fýtboldan ulttyq quramasynyń bas bapkeri bolyp qyzmet etý men úshin úlken qurmet. Bul týraly búgin Astanada ótken baspasóz máslıhatynda búgin ǵana fýtboldan elimizdiń komandasynyń bas jattyqtyrýshysy bolyp taǵaıyndalǵan ıÝrıı Krasnojan aıtty.
«Alda mańyzy zor ári aýyr jumystar kútip tur. Bul men úshin úlken jaýapkershilik. Sondaı-aq, basyn ashyp aıtý kerek, meniń ulttyq quramanyń bas bapkerligimen qatar, «Astana» fýtbol klýbynyń bas bapkerligin birge alyp júrýim týraly másele qarastyrylmaıdy», - dep atap ótti ıÝ.Krasnojan.
Onyń aıtýynsha, Qazaqstan quramasyndaǵy bapkerlerdiń biri qazaqstandyq klýbtardy jattyqtyratyn mamandardyń arasynan iriktelip alynady. Qazir úmitkerlermen kelissózder júrgizilip jatyr.
Federatsııanyń málimetinshe, reseılik jattyqtyrýshymen kelisimshart álemde belgili «2+2» syzbasy boıynsha jasalǵan. ıAǵnı bapker eki jyl boıy ónimdi eńbek etip, úlken jettistikterge jetip jatsa, kelisim merzimi taǵy eki jylǵa uzartylady.
