Ulttyq quramamyz beıresmı jalpykomandalyq esepte ekinshi orynnan túspeýi tıis - sport ardageri
ALMATY. 27 qańtar. QazAqparat /Erbol Turymbetov/ - 7-qysqy Azııa oıyndarynda Qazaqstan ulttyq quramasy kem degende ekinshi oryn alady dep oılaımyn. QR eńbek sińirgen jattyqtyrýshysy, sýǵa júzýden sport sheberi Asqarbek Ultanbaev QazAqparat tilshisine Ulttyq quramamyzdyń deńgeıi jónindegi óz pikirin bildirdi.
«Sońǵy Olımpıadalyq oıyndarda shańǵy sporty túrlerinen E. Hrýstaleva, A. Poltoranın sekildi sportshylar joǵary nátıje kórsetip júrse, mánerlep syrǵanaýda Denıs Ten altyn alar dep úmittenip otyrmyz. Hokkeıshilerimizdiń de qarqyny jaman emes. Basqa da jetistikterimizdi eskere kelgende, kem degende ekinshi orynnan kórinemiz dep oılaımyn», - deıdi A. Ultanbaev.
Asqarbek Esenqululynyń pikirinshe, bizdiń basty qarsylastarymyz qytaı, japon, káris sportshylarynyń da bási joǵary. «Alaıda, saıystyń óz jerimizde ótip jatqany sportshylarymyzǵa qosymsha kúsh beredi», - deıdi ardager sportshy.
