Ulttyq quramalar jattyǵýlaryna qaıta kirisedi

NUR-SULTAN. QazAqparat - 17 tamyzdan bastap elimizde ulttyq quramalar men sporttyq klýb komandalaryna jattyǵýǵa qaıta kirisýge ruqsat etiledi. Bul týraly búgin Ortalyq kommýnıkatsııalar qyzmetinde ótken onlaın-brıfıngte QR Bas memlekettik sanıtarlyq dárigeri Aıjan Esmaǵambetova aıtty, dep habarlaıdy QazAqparat tilshisi.

«Turǵyndarǵa sportpen shuǵyldanýǵa ruqsat etiledi. Bul – jeke sport túrleri, ashyq aspan astynda toptyq jattyǵýlar. Jattyǵý jasaıtyndar sany 5 adamnan aspaýy kerek jáne áleýmettik qashyqtyqty saqtaýǵa mindetti», - dedi A.Esmaǵambetova.

Sondaı-aq, ol ulttyq quramalardyń jattyǵýyna ruqsat beriletini týraly aıtty.

«Buǵan qosa, biz sporttyq bazalarda 30 adamnan aspaıtyn jaǵdaıda jáne ulttyq profılaktıkalyq jáne epıdemııaǵa qarsy is-sharalar saqtalatyn bolsa, ulttyq qurama komandalarǵa, sporttyq klýby komandalaryna sporttyq jattyǵýlar ótkizýge ruqsat berdik. Halyq úshin bir otbasy múshelerin qospaǵanda kóshede 3 adamnan kóp júrýge ruqsat etilmeıdi. Saıabaqtarǵa, alańdarǵa, jaǵalaýlarǵa, ıaǵnı ashyq aspan astyndaǵy barlyq nysandarǵa barýǵa bolady. Biraq áleýmettik qashyqtyqty qadaǵalaý kerek», - deıdi ol.