Ulttyq quramadan shyǵarylǵan boksshylardyń esimderi belgili boldy
ASTANA. QazAqparat - Qazaqstan boks federatsııasynda bapkerler keńesi ótti. Onda federatsııanyń vıtse-prezıdentteri ıÝrıı Tshaı men Baýyrjan Ospanov sportshylardyń Rıodaǵy ónerine «jaqsy» degen baǵa berdi, dep habarlaıdy QazAqparat.
Federatsııa taratqan aqparatqa qaraǵanda, jattyqtyrýshylar keńesi 4 jyldyq kezeńdegi quramanyń árbir boksshysynyń jetistikterin jan-jaqty saralaǵan. Sondaı-aq qurama sapynan ketetin sportshylardy ataǵan. Olar: 49 kelide ARV eks-chempıony Birjan Jaqypov, 60 kelide Berik Ábdirahmanov jáne Azııanyń eki dúrkin chempıony Oljas Sáttibaev.
«Olar quramadan ketýge nıetti ekendikterin jarııa etti jáne jattyqtyrýshylar keńesi olarǵa kedergi jasaǵan joq. Degenmen, bul sportshylar AIBA-nyń APB jáne WSB syndy jobalaryna qatysa alady», - delingen habarlamada.
Munan bólek, Rıo chempıony Danııar Eleýsinovke, kúmis júldeger Vasılıı Levıt pen Ádilbek Nııazymbetovke jáne qola júldeger Ivan Dychkoǵa demalys berilip, qaıta qalpyna kelýleri úshin el chempıonatyn qosa alǵanda kez kelgen jarysqa qatysýdan bosatyldy.
