Ulttyq qurama ınformatıkadan ótken Halyqaralyq olımpıadada 4 medal enshiledi
Informatıka páninen 31-shi Halyqaralyq olımpıadadaǵy joǵary tehnologııalar áleminiń jas juldyzdarynyń jetistikteri jańa ǵana belgili boldy. Qazaqstan qurama komandasy 1 altyn, 1 kúmis, 2 qola medalǵa ıe boldy. Atap aıtsaq, «Respýblıkalyq fızıka-matematıka mektebi» Kommertsııalyq emes aktsıonerlik qoǵamynyń túlekteri Sardarbekov Batyr - altyn, Zakarın Danııar – kúmis medal ıelendi. Óskemen qalasyndaǵy daryndy er balalarǵa arnalǵan oblystyq mamandandyrylǵan «Bilim-ınnovatsııa» lıtseı-ınternatynyń 10-synyp oqýshysy Baıbolov Temırlan jáne Nur-Sultan halyqaralyq «Spectrum» mektebiniń túlegi Qurbanbaev Jan «qola» enshiledi.
Olımpıadaǵa álemniń 87 elinen 325 oqýshy qatysty. Olımpıadanyń saltanatty jabylý rásimi 10 tamyzǵa belgilengen.
El qorjynyna ınformatıka páninen alǵashqy eki altyn medaldi qatysýshylar 2007 jyly Horvatııanyń Zagreb qalasynda ótken halyqaralyq olımpıadadan ákelgen bolatyn.
Baký qalasynda ınformatıkadan 31-shi Halyqaralyq olımpıada 4-10 tamyz aralyǵynda ótti.
El quramasyna oqýshylar ádette ınformatıkadan respýblıkalyq olımpıada men oqý-jattyǵý jıyndarynyń nátıjeleri boıynsha irikteledi. Jarys eki týrda ótedi. Bir týrǵa bes saǵat beriledi. Osy ýaqyt ishinde úsh algorıtmdik esepti sheshý jáne baǵdarlamalaý qajet. Qorytyndy jeke esepte shyǵarylady.
2020 jyly Olımpıada Sıngapýrda ótedi.
