Ulttyq qoryqta ańshylyq jasaǵan brakonerler ustaldy
KÓKShETAÝ. QazAqparat - Aqmola oblysyndaǵy «Býrabaı» memlekettik ulttyq tabıǵı qoryǵynyń Bulandy orman sharýashylyǵy aýmaǵynda polıtsııa qyzmetkerleri men ormanshylar birlesip brakonerlerdi ustady, dep habarlaıdy QazAqparat tilshisi ІІD baspasóz qyzmetine silteme jasap.
Vedomstvonyń məlimeti boıynsha, zańsyz ańshylyqpen aınalysqan kúdiktiler Birjan sal aýdanynyń úsh turǵyny ekeni anyqtaldy. Tekserý kezinde kúdiktilerdiń myltyqqa ruqsaty jəne ańshylyq bıleti bolmaı shyqty.
«Qazirgi kezde, osy oqıǵaǵa baılanysty QR QK 337 babynyń 4 bóligi (zańsyz ańshylyq) boıynsha iz qozǵalyp, sotqa deıingi tergeý amaldary júrgizilýde. Oǵan qosa, myltyq pen eliktiń eti tárkilendi. Qorshaǵan ortaǵa keltirilgen shyǵyn kólemi 1,8 mıllıon teńgege baǵalanyp otyr», dep kórsetilgen habarlamda.
Atalmysh sanktsııa boıynsha kúdiktilerge iri kólemde aıyppul salynýy nemese 5 jylǵa deıingi merzimge bas bostandyǵynan aıyrylýy múmkin.
Jalpy, jyl basynan beri Aqmola oblysynda zańsyz ańshylyqpen aınalysý áreketi boıynsha 8 oqıǵa tirkeldi.
