Ulttyq qorǵa jyl basynan 2,6 trln teńge tústi

ASTANA. QazAqparat – Ulttyq qorǵa jyl basynan 2,6 trln teńge tústi. Bul týraly Úkimet otyrysynda Ulttyq bank tóraǵasynyń orynbasary Vıtalıı Týtýshkın aıtty, dep habarlaıdy QazAqparat tilshisi.

«Jalpy halyqaralyq rezervter maýsym aıynyń sońynda 94,3 mlrd dollardy qurady. Ekinshi deńgeıdegi bankter qarajatynyń valıýtalyq shottardan Ulttyq bankke áketilýine baılanysty Ulttyq banktiń altyn-valıýta rezervteri jyl basynan bastap 1,7 paıyz nemese 34,5 mlrd dollarǵa deıin tómendedi», - dedi UB tóraǵasynyń orynbasary.

Onyń dereginshe, Ulttyq qordyń aktıvteri jyl basynan bastap álemdik ındeksterdiń ósýi saldarynan 7,4 paıyzǵa nemese 59,8 mlrd dollarǵa deıin ulǵaıdy.

«Ulttyq qordan respýblıkalyq bıýdjetke 2,1 trln teńge somasyna transfertter bólý úshin jyl basynan bastap Ulttyq qordyń 3,5 mlrd dollarǵa valıýtalyq aktıvteri satyldy. Qorǵa jyl basynan bastap túsken jıyntyq qarajat 2,6 trln teńgeni qurady», - dedi ol.