Ulttyq qordyń jınaqtaý fýnktsııasyna úlken mańyz beriledi - Ekonomıkalyq damý jáne saýda mınıstri
ASTANA. Naýryzdyń 18-i. QazAqparat /Qanat Mámetqazyuly/ - Jańa tujyrymdamaǵa sáıkes Ulttyq qordyń jınaqtaý fýnktsııasyna úlken mańyz beriledi. Búgin QR Parlamenti Senatynyń jalpy otyrysynda QR Ekonomıkalyq damý jáne saýda mınıstri Janar Aıtjanova osylaı málim etti,
dep habarlaıdy QazAqparat.
«Burynǵy tártip boıynsha Ulttyq qorda jınaqtalǵan qarjynyń úshten bir bóligin kepildendirigen transfert arqyly berýge bolatyn edi. Al qazirgi jańa tujyrymdama boıynsha bul úshten bir bóliktiń ornyna absolıýttik mándegi 8 mlrd. dollar kepildendirilgen transfert arqyly beriletin bolady. Bul jańa bastamanyń negizgi maqsaty Ulttyq qordyń jınaqtaý fýnktsııasyn odan ári damytý bolyp tabylady. Jalpy, Ulttyq qordyń eki fýnktsııasy bar, onyń biri - turaqtandyrý fýnktsııasy bolsa, ekinshisi jınaqtaý fýnktsııasy. Al jańa tujyrymdama boıynsha Ulttyq qordyń jınaqtaý fýnktsııasyna úlken mańyz beriletin bolady», dedi Ekonomıkalyq damý jáne saýda mınıstri Janar Aıtjanova.
Mınıstrdiń aıtýynsha, jańa tujyrymdamaǵa sáıkes Ulttyq qordan jyl saıyn 8 mlrd. dollar shamasynda kepildendirilgen transfert berilgenine qaramastan, Qordyń ózinde 20 paıyzdyq qarajat qalyp otyrýy tıis. ıAǵnı, Ulttyq qordaǵy 20 paıyz deńgeıindegi qarajat jumsalýǵa jatpaıdy. Bul jınaqtaý fýnktsııasynyń negizgi basymdyǵy bolyp tabylady.
