Ulttyq qordyń valıýtalyq aktıvteri bir aıda 1,2 mlrd dollarǵa ulǵaıdy

NUR-SULTAN. QazAqparat – Ulttyq qordyń valıýtalyq aktıvi 53,1 mlrd dollardy qurady. Bul týraly QR Ulttyq bank tóraǵasynyń orynbasary Álııa Moldabekova aıtty, dep habarlaıdy QazAqparat tilshisi.

Aldyn ala derekterge sáıkes, shildeniń qorytyndysy boıynsha, Ulttyq qordaǵy valıýtalyq aktıvterdiń kólemi ótken aıda 1,2 mlrd AQSh dollaryna ulǵaıyp, 53,1 mlrd AQSh dollaryn qurady.

Ótken aıda Ulttyq qordan respýblıkalyq bıýdjetke transfert túrinde 518 mlrd teńge bólindi.

«Transferttiń bir bóligi Ulttyq qordyń teńgedegi shotyndaǵy qaldyqtar, sondaı-aq qorǵa teńge túsimi esebinen bólindi. Sonymen qatar, ishki valıýta naryǵynda 599,2 mln AQSh dollaryna aktıvter satyldy, bul – óz balamasynda 288 mlrd teńgeni quraıdy», - dedi ol.

UB tóraǵasy orynbasarynyń dereginshe, maýsymda qorǵa 582 mln AQSh dollary kóleminde valıýtalyq túsim tústi.

«Ulttyq qordyń ınvestıtsııalyq kirisi ótken aıdyń qorytyndysy boıynsha oń qalyptasyp, aktsııalar naryǵyn ishinara qalpyna keltirý esebinen 1 240 mln AQSh dollaryn qurady. Bul rette Ulttyq qordyń uzaq merzimdi kiristiligi qurylǵannan bastap jyldyq mánde 3,17 paıyz boldy», - deıdi Álııa Moldabekova.