Ulttyq qordyń valıýta aktıvteri kólemine qaı faktorlar áser etti
«Shildeniń sońynda Ulttyq qordyń valıýtalyq aktıvteri bir aıda 450 mln AQSh dollaryna azaıyp, 56,9 mlrd AQSh dollaryn qurady. Ótken aıda Ulttyq qordyń valıýtalyq aktıvteriniń tómendeýi kóbinese respýblıkalyq bıýdjetke jalpy somasy shamamen 477 mlrd teńge kóleminde kepildik berilgen jáne nysanaly transfert bólýge baılanysty boldy. Bul rette qorǵa túsken túsimder shildede 40 mlrd teńge boldy, onyń ishinde shetel valıýtasyndaǵy túsimder 65 mln AQSh dollaryn qurady», - dedi Á. Moldabekova.
Onyń aıtýynsha, ótken aıda álemdik naryqtardyń qolaıly konıýnktýrasy baıqaldy. Mysaly, oblıgatsııalardyń, aktsııalardyń jáne altyn baǵasynyń ósýi aıasynda shildede Ulttyq qordyń ınvestıtsııalyq kirisi 590 mln AQSh dollaryn qurady.
«Jyl basynan beri Ulttyq qordyń ınvestıtsııalyq kirisi shamamen 2 mlrd AQSh dollary nemese 3,5% boldy. Aktsııalar naryǵynyń ósýi oń ınvestıtsııalyq kiristiń negizgi qozǵaýshy kúshine aınaldy. Ulttyq bank Ulttyq qordy basqarý tıimdiligin arttyrý jáne eń kóp kirisi bar aktıvter sanattarynyń úlesin arttyrý strategııasy aıasynda aktsııalardyń úlesin ulǵaıtty. Aktsııalarmen qatar damýshy naryqtardaǵy korporatıvtik oblıgatsııalar men eýrooblıgatsııalardyń úlesi artty», - dedi UB ókili.