Ulttyq qordyń transfertterinen bas tartý bıýdjet tapshylyǵyna ákelýi múmkin – Álıhan Smaıylov
«Sizderdiń Qazaqstan Respýblıkasy Ulttyq qorynyń qarajatyn paıdalaný jónindegi depýtattyq saýaldaryńyzdy qarap, mynany habarlaımyn. Bıýdjettiń aǵymdaǵy shyǵystaryna Ulttyq qordyń qarajatyn sheksiz alýdy toqtatýǵa jáne bıýdjetke jyl saıynǵy kepildendirilgen transfertterden bas tartýǵa qatysty Bıýdjet zańnamasyna sáıkes transfertter bıýdjettiń kiris babynyń ajyramas bóligi bolyp tabylady. Eldegi jáne álemdegi qalyptasqan makroekonomıkalyq jaǵdaıdy eskere otyryp, bıýdjetke jyl saıynǵy transfertterden bas tartý bıýdjettiń aıtarlyqtaı tapshylyǵyna alyp kelýi múmkin», - dep jazylǵan jaýapta.
Sondaı-aq, Úkimet basshysynyń birinshi orynbasary Ulttyq qordyń kepildendirilgen transfertteri turaqtandyrý fýnktsııasyn júzege asyrý úshin qajet ekenin eske salady.
«Ulttyq qordyń jınaqtaý fýnktsııasyn oryndaý maqsatynda Memleket basshysynyń 2020 jylǵy 22 jeltoqsandaǵy № 474 Jarlyǵymen Ulttyq qordyń qarajatyn qalyptastyrý jáne paıdalaný tujyrymdamasyna kontrtsıkldik bıýdjet qaǵıdasy bóliginde ózgerister engizildi. Máselen, Ulttyq qordan kepildendirilgen transfert boıynsha bıýdjet qaǵıdasy ınflıatsııa boıynsha uzaq merzimdi maqsatqa ulǵaıtylǵan nysanaly uzaq merzimdi ekonomıkalyq ósý deńgeıinde memlekettik shyǵystardyń ósý qarqynyna tikeleı shekteý belgileıtin kontrtsıkldik tetikpen kúsheıtildi. Kepildendirilgen transfert tıisti josparly kezeńge arnalǵan kepildendirilgen transfert týraly Qazaqstan Respýblıkasynyń Zańynda 2 aıqyndalatyn kesimdi baǵa kezinde munaı sektorynan Ulttyq qorǵa túsetin túsimder mólsherinen aspaıtyn mólsherde aıqyndalatyn bolady», - dep jazady Álıhan Smaıylov.