Ulttyq qordyń qarajatyn únemdeýge nazar aýdarylyp otyr – Qarjy mınıstri

ASTANA. QazAqparat – Ulttyq qordyń qarajaty 2030 jylǵa qaraı 100 mlrd dollarǵa jetkizilmek. Bul týraly Májilistiń jalpy otyrysynda Úkimettiń 2022 jylǵy respýblıkalyq bıýdjettiń atqarylýy týraly esebin qaraý kezinde Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Ulttyq qordyń qarajatyn únemdeý saıasatyn jalǵastyrý maqsatynda respýblıkalyq bıýdjetke beriletin transfertter qarajatyn birtindep azaıtý qarastyrylǵan. Bul Memleket basshysynyń Ulttyq qordyń qarajatyn 2030 jylǵa qaraı 100 mlrd dollarǵa deıin jetkizý jónindegi tapsyrmasyn oryndaýǵa múmkindik beredi», - dedi E. Jamaýbaev.

Bıyl naýryz aıynda Senat tóraǵasy Máýlen Áshimbaev Ulttyq qor aktıviniń kemýine qatysty pikir bildirgen edi.

Budan buryn habarlanǵandaı, búgin Májilistiń jalpy otyrysynda byltyr Qytaıdan kelgen taýarlar boıynsha bıýdjetke 465 mlrd teńgege kedendik tólem men salyq túskeni aıtyldy. Bul 2021 jylmen salystyrǵanda 60% artyq.