Ulttyq qordyń ınvestıtsııalyq kirisi naýryzda 1 mlrd AQSh dollaryn qurady
Onyń aıtýynsha, aktıvterdiń ósýine Ulttyq qordaǵy valıýta túsimderi de yqpal etti, onyń somasy naýryzda shamamen 300 mln AQSh dollaryn qurady.
«Aldyn ala derekterge sáıkes, Ulttyq qordaǵy valıýtalyq aktıvterdiń kólemi ótken aıda 1,05 mlrd AQSh dollaryna ulǵaıyp, naýryz aıynyń sońynda 58,4 mlrd AQSh dollaryn qurady.
Naryqqa qatysýshylar AQSh óńirlik bankteri men shveıtsarııalyq Credit Suisse bankiniń problemalaryn udaıy nazarda ustap otyrdy. Silicon Valley Bank pen Signature Bank bankrottyǵynan keıin naryqta qubylmalylyq artyp, Credit Suisse-degi problemalar AQSh pen Eýropa retteýshileri tarapynan bank sektorynyń ýaqtyly qoldaýymen teńestirildi.
Táýekel dárejesiniń ósýi aktsııalar men oblıgatsııalardy qaıta oń baǵalaýǵa áser etti. Nátıjesinde Ulttyq qordyń ınvestıtsııalyq kirisi naýryzda 1,5 mlrd AQSh dollaryn qurady», - dedi A.Moldabekova. .
Sonymen birge, spıkerdiń aıtýynsha, Ulttyq qorǵa túsken valıýtalyq túsimder aktıvterdiń ósýine yqpal etken. Olardyń mólsheri naýryzda shamamen 300 mln AQSh dollaryn qurady.
Ótken aıda Ulttyq qordan respýblıkalyq bıýdjetke transfert túrinde 473 mlrd teńge aýdaryldy. Osy maqsatta ishki valıýta naryǵynda 721 mln AQSh dollaryna aktıvter satylǵan.
