Ulttyq qordyń aktıvteri bir aıda 450 mln dollarǵa azaıǵan

NUR-SULTAN. QazAqparat – Búgin Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Ulttyq bank tóraǵasy Erbolat Dosaev Ulttyq qor aktıvteri týraly aıtyp berdi, dep habarlaıdy QazAqparat tilshisi.

«Ulttyq qordyń aktıvteri bir aıda 450 mln AQSh dollarǵa azaıyp, bıylǵy jylǵy shildeniń sońynda 56,9 mlrd AQSh dollaryn qurady. Bıylǵy shildede 477 mlrd teńgege transfertter bólýdi qamtamasyz etý úshin 1,11 mlrd AQSh dollaryna valıýtalyq aktıvter satyldy. Osy jylǵy shildede Ulttyq qorǵa kelip túsken túsimder 40 mlrd teńge, onyń ishinde shetel valıýtasynda 65 mln AQSh dollary boldy», - dedi E. Dosaev.

Onyń aıtýynsha, bıylǵy shildede Ulttyq qordyń ınvestıtsııalyq kirisi oń qalyptasty jáne 590 mln AQSh dollary boldy.

«Qarjy naryqtaryndaǵy qubylmalylyqqa qaramastan, Ulttyq qordyń ınvestıtsııalyq kirisi respýblıkalyq bıýdjetke transfertterdiń úshten birin ótep, ótken jyldyń uqsas kezeńindegi 1,3 mlrd AQSh dollarymen salystyrǵanda osy jyldyń basynan beri 2 mlrd AQSh dollary nemese 3,5% boldy», - dedi UB basshysy.