Ulttyq qordyń aktıvi 58 mlrd dollarǵa jetti
Aldyn ala derek boıynsha ulttyq qordyń aktıvteri qarashanyń sońynda bir aıda shamamen $1,7 mlrd dollarǵa ulǵaıyp, $58 mlrd dollarǵa jetti.
«Buǵan deıin atap ótkenimdeı, vaktsınanyń sátti bolýy týraly jańalyqtar, sondaı-aq álemdik jetekshi kompanııalardyń toqsandyq eseptiligindegi oń derekterdi qarjy naryǵynyń qatysýshylary jaqsy qabyldady. Nátıjesinde aktsııalardyń negizgi ındeksteriniń birshama ósýi baıqaldy. Máselen, MSCI jahandyq aktsııalar ındeksiniń kiristiligi qarashada 12,8% boldy. Naryqtarda baıqalǵan optımızm aıasynda Ulttyq qordyń ınvestıtsııalyq kirisi qarashada $2 mlrd dollardy qurady, onyń ishinde $1,6 mlrd dollardan astamy aktsııalar portfeli esebinen boldy. Aǵymdaǵy jyldyń basynan bastap ınvestıtsııalyq kiris shamamen $3 mlrd dollarǵa jetti»,– deıdi spıker.
Respýblıkalyq bıýdjetke 230 mlrd teńge somasynda kepildik berilgen transfert bólý boıynsha mindettemelerdi oryndaý maqsatynda qarashada ulttyq qordyń valıýtalyq aktıvi shamamen $541 mln dollar somasyna satyldy.
Bul rette qarashada ulttyq qorǵa túsken valıýtalyq túsim $198 mln dollardy qurady.