Ulttyq qordan kepildendirilgen transfert týraly zań jobasy qabyldandy

ASTANA. QazAqparat - Búgin Parlament Májilisiniń jalpy otyrysynda «Qazaqstan Respýblıkasynyń Ulttyq qorynan 2017-2019 jyldarǵa arnalǵan kepildendirilgen transfert týraly» zań jobasy maquldandy.

«2017-2019 jyldarǵa arnalǵan Ulttyq qordan kepildendirilgen transferttiń mólsheri belgilenip tirkelgen 8 mlrd. AQSh dollary mólsherin jáne bir AQSh dollaryna 360 teńge eseptik aıyrbas baǵamy negizge alyna otyryp, jyl saıyn 2 880 mlrd. teńge mólsherinde aıqyndaldy»,-dedi zań jobasy boıynsha baıandama jasaǵan QR Ulttyq ekonomıka mınıstri Qýandyq Bıshimbaev.

Onyń sózine qaraǵanda, 2017-2019 jyldarǵa belgilengen kepildendirilgen  transferttiń mólsherleri Ulttyq qordaǵy qarajattyń tıisti qarjy jylynyń sońyna JІÓ-niń 30 paıyzy mólsherinde tómendemeıtin qaldyq boıynsha sharttyń oryndalýyn qamtamasyz etedi.