Ulttyq qordan kepildendirilgen transfert kólemi artady
ASTANA. QazAqparat - Parlament Májilisiniń jalpy otyrysynda «QR Ulttyq qorynan 2019-2021 jyldarǵa arnalǵan kepildendirilgen transfert týraly» QR Zańyna ózgeris engizý týraly» zań jobasyn maquldandy.
Osy oraıda Ulttyq qordan respýblıkalyq bıýdjetke beriletin kepildendirilgen transfert mólsherleri 2019 jyly 250 mlrd teńgege ulǵaıtylady, dep habarlaıdy QazAqparat tilshisi.
«Zań jobasymen 2019 jyly Ulttyq qordan kepildendirilgen transferttiń somasyn túzetý qarastyrylýda. «Nur Otan» partııasynyń kezekti XVIII sezinde berilgen tapsyrmalaryn iske asyrý úshin Ulttyq qordan kepildenrilgen transfert mólsherin 2019 jyly 2 trln 450 mlrd teńgeden 2 trln 700 mlrd teńgege deıin ulǵaıtý usynylady», - dedi Ulttyq ekonomıka mınıstri Rýslan Dálenov.
Onyń sózine qaraǵanda, kepildendirilgen transferttiń 2019 jylǵa belgilengen mólsheri Ulttyq qordaǵy tómendetilmeıtin qarajat qaldyǵy boıynsha sharttyń oryndalýyn JІÓ-niń 30 paıyzy kóleminde qamtamasyz etedi.
