Ulttyq qordan bólingen qarjyǵa qol suqqandar qamalatyn bolady - N.Nazarbaev
ASTANA. QazAqparat - Ulttyq qordan bólingen qarjyǵa qol suqqan suǵanaqtar qamalatyn bolady. Búgin Astanadaǵy Táýelsizdik saraıynda ótken Indýstrııalandyrý kúni aıasyndaǵy jıyn barysynda Elbasy Nursultan Nazarbaev osylaı málim etti.
«Mınıstrden, vıtse-prezıdentten, terrıtorııa ákiminen, kompanııa basshysynan, merdigerlerden bastap árbir jaýapty adamnyń jumys kúni qurylys jumystaryn ınspektsııalaýdan bastaýly tıis», - dedi QR Prezıdenti.
Sonymen qatar, Elbasy arnaıy qurylǵan komıssııa da qurylys jumystaryn kún saıyn baqylaýda ustap otyrýy kerektigin qatań eskertti.
«Qarjy polıtsııasy, prokýratýra, UQK shapshań osyǵan nazar aýdarýy tıis. Bizdiń ulttyq qordan bóletin árbir tıyn iske jaratylsyn. Oǵan qol suqqandardy qatań ustap, qamaý qajet», - dedi N.Nazarbaev.
