Ulttyq qordan bólingen qarajattyń bir bóligi maqsatsyz jumsalǵany anyqtaldy

NUR-SULTAN. QazAqparat – Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnovanyń aıtýynsha, Ulttyq qordyń tujyrymdamasynda joq baǵyttarǵa 230 mlrd teńgeden astam qarjy bólingen, dep habarlaıdy QazAqparat tilshisi.

Bul týraly ol Prezıdenttiń qabyldaýynan keıin bergen suhbatynda málim etti.

«Men búgin Memleket basshysyna Ulttyq qordan bólingen maqsatty transfertterge júrgizilgen aýdıttiń aldyn ala qorytyndysy týraly baıandadym. Bul aýqymdy jumystyń qorytyndysy boıynsha shamamen 9 mlrd teńgeniń qarjylyq zań buzý faktisi anyqtaldy. 290 mlrd teńgeden astam qarajattyń 20 joba boıynsha 20 nysanǵa Ulttyq qordyń tujyrymdamasynda qarastyrylmaǵan baǵyttarǵa 230 mlrd teńgeden astam qarajat bólingen. Zań buzý faktileri negizinen atqarylmaǵan jumystar men oryndalmaǵan qyzmetterge aqy tóleýmen baılanysty», - deıdi komıtet basshysy BORT №1 telegram kanalynda jarııalanǵan vıdeoda.

Sondaı-aq, ol Memleket basshysy Qasym-Jomart Toqaevtyń Esep komıtetin Joǵary aýdıt palatasyna aınaldyrý máselesine qatysty qosymsha tapsyrma bergenin málim etti.