Ulttyq qordan bólingen daǵdarysqa qarsy qarajatty qoǵamdyq uıymdar baqylaýy qajet - O. Óksikbaev
«Bizde qarjylyq baqylaý organdary bar, olar - Esep komıteti, óńirlerde máslıhattardyń tekseris komıssııalary, ishki baqylaýda - QR Qarjy mınıstrliginiń qarjylyq baqylaý komıteti. Sondyqtan, Ulttyq qordan bólingen qarajattyń maqsatty túrde jumsalýyn baqylaý - olardyń tikeleı mindeti»,- dep atap ótti depýtat.
Onyń aıtýynsha, mundaı baqylaýdy «Nur Otan» partııasy da júrgizýi tıis. «Men bunyń postfaktým-baqylaý ekenin qosa ketkim keledi, ıaǵnı atalǵan qarajat tolyǵymen ıgerilgennen keıin jasalýy qajet. Atalǵan baqylaýdy qoǵamdyq uıymdar da tıisti deńgeıinde júrgize alar edi dep oılaımyn. Ózderińiz bilesizder, Memleket basshysy bul baqylaýdy «Nur Otan» partııasyna da júktegen bolatyn. Óıtkeni, onyń ár óńirde fılıaldary bar. Sondyqtan, partııa qarajattyń tıimdi jumsalýyn tolyq qadaǵalaı alady. Bul jumys negizinen bastalyp ta ketti, óńirlerde komıssııalar jasaqtaldy. Qazir bul komıssııalar jumystaryna kirisip te ketti», - dep túsindirdi O. Óksikbaev.
