Ulttyq qordan balalarǵa aýdarylatyn aqshany qaıda jumsaýǵa bolady
Búgin Ádilet mınıstrligi uıymdastyrǵan zań jobalaý máseleleri jónindegi vedomstvoaralyq komıssııa otyrysynda «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Ulttyq qorynan balalarǵa tólem jasaý máseleleri boıynsha ózgerister men tolyqtyrýlar engizý týraly» zań jobasy qaraldy.
«Elimizde alǵash ret ulttyq baılyqty 18 jasqa deıingi balalar men jasóspirimderge bólý múmkindigi týdy. ıAǵnı, Ulttyq qordyń ınvestıtsııalyq tabysynyń 50% balalar arasynda birkelki bólinetin bolady. Esep ótken 18 jyldyń ortasha jyldyq máni esebinen júrgiziledi. Nelikten ótken 18 jyl? Óıtkeni, naryqtaǵy daǵdarys jaǵdaıyn eskersek, keıde Ulttyq qordyń kirisi teriske shyǵýy múmkin. Ony teńestirý - uzaq protsess. Aıtar bolsaq, 2005-2023 jyldar aralyǵynda 18 jasqa tolmaǵan balalar men jasóspirimder sany - 6,5 mln. Demek shamamen 6,5 mln bala Ulttyq qordyń ınvestıtsııalyq tabysynyń bir bóligin alýy múmkin», - dedi Májilis depýtaty Berik Beısenǵalıev shara barysynda.
Sol sııaqty halyq qalaýlysy kámeletke tolǵan azamat jeke shotyndaǵy qarajatty qaıda jumsaı alatynyn aıtty.
«18 jasqa tolǵan soń bala Ulttyq qordan túsken tólemdi turǵyn úı satyp alýǵa, bilim alýǵa, onyń ishinde shetelde bilim alý múmkindigine jumsaı alady. Aıtpaqshy, baspanany tek Qazaqstan aýmaǵynan satyp alýy tıis. Eger kámeletke tolǵan azamat turaqty turýǵa shetelge ketse nemese azamattyǵyn aýystyrsa onda qordyń tóleminen aırylady», - deıdi ol.
Jıyn barysynda qarjy vıtse-mınıstri Dáýren Temirbekov aıtqandaı, bıyl 1 tamyzǵa deıin «Ulttyq qor» aýdıtiniń qorytyndysy boıynsha jyldyq esepti bekitý josparlanýda.
Aýdıt derekteriniń negizinde Ulttyq bank 1 qyrkúıekke deıin biryńǵaı jınaqtaýshy zeınetaqy qoryna (BJZQ) «Ulttyq qordyń» ortasha ınvestıtsııalyq tabysynyń 50 paıyzy somasy týraly, sondaı-aq jyl saıyn osy somaǵa esepteletin ortasha ınvestıtsııalyq tabystyń somasy men stavkasy týraly aqparat jiberiledi.
Sondaı-aq, mınıstr orynbasarynyń málimdeýinshe, bıyl 31 jeltoqsanǵa deıin biryńǵaı jınaqtaýshy zeınetaqy qory (BJZQ) jeke tulǵalar týraly memlekettik derekqordan qajetti aqparatty ımporttaıdy.
Al 2024 jylǵy 20 qańtarǵa deıin BJZQ alynǵan aqparatty Ádilet mınıstrligimen kelisedi jáne jobanyń ár qatysýshysy boıynsha Ulttyq qordyń ınvestıtsııalyq kirisiniń somasyn esepteıdi.
Eske sala keteıik, Memleket basshysy ótken jylǵy halyqqa joldaýynda «Ulttyq qor - balalarǵa» baǵdarlamasyn qolǵa alý kerektigin aıtqan edi.
Ol baǵdarlama aıasynda Ulttyq qordyń jyl saıynǵy ınvestıtsııalyq tabysynyń 50 paıyzy balalardyń arnaýly jınaqtaýshy esepshotyna aýdarylady.
Tólem ár bala 18 jasqa tolǵansha jeke shotyna túsedi.
