Ulttyq qordan balaǵa aýdarylatyn 100-200 dollar tym az – Jıgýlı Daırabaev

ASTANA. QazAqparat – «Ulttyq qor – balalarǵa» jobasy aıasynda balalar alatyn qarajat kólemin arttyrý úshin jumys isteledi. Bul týraly Májilistiń jalpy otyrysynda qarjy vıtse-mınıstri Dáýren Temirbekov aıtty, dep habarlaıdy QazAqparat tilshisi.

Keıbir zańnamalyq aktilerge Ulttyq qordan balalarǵa tólem jasaý máseleleri boıynsha ózgerister men tolyqtyrýlar engizý týraly zań jobasyn talqylaý barysynda depýtat Jıgýlı Daırabaev balanyń shotyna jyl saıyn 100-200 dollar aýdarý tym az ekendigin basa aıtty.

«Balalardyń bolashaǵynan eshteńe aıamaý kerek. Qarajatty qaıta esepteý kerek», – dedi depýtat.

«Búgingi tańdaǵy barlyq esepteý – 2000 jyldan bastap, Ulttyq qor qurylǵan kezden bergi tsıfrlar. Aldymyzda turǵan maqsat – qor kólemin 100 mlrd dollarǵa jetkizý. Bul tsıfrlardyń kólemi artady degen senimimiz bar. Ulttyq bank, Úkimet onyń (balalar 18 jasqa tolǵanda alatyn qarajat) kólemin arttyrý úshin jumys isteıdi. Sondaı mindet aldymyzda tur», –dedi osy oraıda Qarjy vıtse-mınıstri.