Ulttyq qordan bala shotyna aýdarylatyn aqsha qaı jyly týǵandardan bastap beriledi

NUR-SULTAN. QazAqparat – Ulttyq qordan bala shotyna aýdarylatyn aqsha 2024 jyly týǵandardan bastap berile me? Úkimet otyrysynan keıin QR Ultyq ekonomıka mınıstri Álibek Qýantyrovqa BAQ ókilderi osyndaı saýal qoıdy.

Mınıstrdiń aıtýynsha, bul másele áli pysyqtalyp jatyr. Biraq 2024 jyly týǵandardan bastap qana bólinedi degen jospar joq.

«Ony qazir oılastyryp jatyrmyz. Biraq 2024 jyldan bastap osy júıe engiziledi. Jalpy búkil Qazaqstan boıynsha 18 jasqa tolmaǵan balalardyń bári sanalatyn bolady. Tek qana jańa týǵan emes, barlyq balalarǵa aýdarylady», - dedi mınıstr.