Ulttyq qordan 2018-2020 jyldarǵa arnalǵan kepildendirilgen transfert týraly zań qabyldandy
ASTANA. QazAqparat - Búgin Premer-Mınıstr Baqytjan Saǵyntaevtyń qatysýymen ótken Senattyń jalpy otyrysynda «Qazaqstan Respýblıkasynyń Ulttyq qorynan 2018-2020 jyldarǵa arnalǵan kepildendirilgen transfert týraly» zań qabyldandy. Sondaı-aq, «2018-2020 jyldarǵa arnalǵan respýblıkalyq bıýdjet týraly» zań jobasy qaraldy, dep habarlaıdy QR Úkimetiniń baspasóz qyzmeti.
«Qazaqstan Respýblıkasynyń Ulttyq qorynan 2018-2020 jyldarǵa arnalǵan kepildendirilgen transfert týraly» QR Zań jobasyn senatorlarǵa ulttyq ekonomıka mınıstri Tımýr Súleımenov tanystyrdy. 2020 jyldan bastap respýblıkalyq bıýdjetke kepildendirilgen transfert kólemi bekitiledi jáne 2 trıllıon teńgeni quraıdy.
Zań jobasy bıýdjettiń teńgerimdiligin qamtamasyz etýge jáne respýblıkalyq bıýdjettiń, onyń ishinde ekonomıkalyq belsendilik pen ekonomıkadaǵy jumyspen qamtýdy arttyrýǵa baǵyttalǵan shyǵyndaryn tolyq kólemde qarjylandyrýǵa múmkindik beredi.
Budan ózge, «2018-2020 jyldarǵa arnalǵan respýblıkalyq bıýdjet týraly» zań jobasy qaraldy. Qujatty Ulttyq ekonomıka mınıstri T. Súleımenov, qarjy mınıstri B. Sultanov jáne Ulttyq Banktiń tóraǵasy D. Aqyshev tanystyrdy. Qujat jalpy maquldandy. Sonymen qatar, talqylaý barysynda komıtetter men jekelegen depýtattardan zań jobasyn ózgertý jáne tolyqtyrý boıynsha usynystar kelip tústi. Zań jobasy Parlament Májilisine pysyqtaýǵa jiberildi.
