Ulttyq qor qarajatyna qoıylatyn shekteý qashan qabyldanady
«Memleket basshysynyń tapsyrmasy memleket qarjysyn basqarý tártibin bir qujatqa shoǵyrlandyrýǵa baǵyttalǵan. Bir jaǵynan borysh jaǵy, basqa da baǵyty qaýipsiz deńgeıde bolǵany kerek. Ekinshi jaǵynan bıýdjet tártibin kóterý kerek. Naqty aıtsaq, Ulttyq qordan alynatyn transfertterdi azaıtý qajet. Ony saqtap, kólemin ulǵaıtý úshin kerek bul. Bıýdjet tapshylyǵy men borysh mólsherin de tómendetý kerek. Bıýdjet qarajatyn ıgerý men josparlaýdyń tıimdiligin arttyrý qajet. Osy máselelerdiń bári memleket qararajatyn basqarý jónindegi tujyrymdamada kórinis tabady», - dedi Premer-Mınıstrdiń birinshi orynbasary.
Onyń aıtýyna qaraǵanda, bul jumysty Ulttyq ekonomıka mınıstrligi úılestirýi kerek.
«Tujyrymdama jobasy qazirdiń ózinde daıyndalyp, qajetti esepteri júrgizilip jatyr. Bul jumystyń bári jyl sońyna deıin aıaqtalady. Jalpy alǵanda, tujyrymdama 2030 jylǵa deıin arnalǵan. Ulttyq qor qarajatyn qoldanýdy shekteý baǵytynda bıýdjet erejelerin jedeldetý boıynsha aıtsaq, ondaı norma daıyndalyp qoıdy. Qazir Parlamenttiń qaraýynda jatyr. Bıýdjet kodeksi jyl sońyna deıin qabyldanady dep úmittenemiz. Ol norma Ulttyq qordan transfert tartý kólemin qorǵa túsetin boljamdy kiris kóleminen arttyrmaı shekteıdi», - dedi Álıhan Smaıylov.
