Ulttyq qor qarajaty ınvestıtsııalyq kiristi qospaǵanda 10062,8 mlrd. teńgeni qurady - B. Jámishev

ASTANA 8 aqpan. QazAqparat - Ulttyq qor qarajaty 10062,8 mlrd. teńgeni qurady. Bul týraly búgin QR Premer-Mınıstri Serik Ahmetovtiń tóraǵalyǵymen ótip jatqan Qarjy mınıstrliginiń alqa májilisinde vedomstvo basshysy Bolat Jámishev málim etti.

«2012 jyldyń sońyndaǵy jaǵdaı boıynsha Ulttyq qordyń qarajaty ınvestıtsııalyq kiristi qospaǵanda 10062,8 mlrd. teńgeni qurady»,-dedi mınıstr.

B. Jámishevtiń atap ótýinshe, 2012 jyly bıýdjetke qosylǵan qun salyǵy boıynsha 914,4 mlrd. teńge nemese jospardyń 103,1 paıyzy túsken. Eger, bıýdjet naqtylanbaǵan jaǵdaıda qosylǵan qun salyǵynyń oryndalýy 91 paıyzdy qurar edi.

Sondaı-aq Keden odaǵy elderimen ımportqa salynatyn qosylǵan qun salyǵy boıynsha jospar 101,3 paıyzǵa oryndaldy. Al, jeke tabys salyǵy boıynsha - 106, áleýmettik salyq boıynsha 104,7 paıyzǵa oryndalǵan.

«2011 jylmen salystyrǵanda bıýdjet túsimderi sáıkesinshe 62,3 mlrd. jáne 44,4 mlrd. teńgege ulǵaıdy. Bul jumyspen qamtý salasyndaǵy oń úrdisti kórsetip otyr»,-dedi B. Jámishev.