Ulttyq qor qarajaty 2017 jyly 115 mlrd. 600 mln. dollarǵa deıin ulǵaıady - E. Dosaev
ASTANA. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasynyń Ulttyq qorynan 2015-2017 jyldarǵa arnalǵan kepildendirilgen transfert týraly» zań jobasyn maquldady.
«Ulttyq qordy basqarý keńesiniń Qordyń kepildendirilgen transfertin on bes paıyzǵa ulǵaıtý týraly qabyldanǵan sheshimine sáıkes, onyń mólsheri 2015-2017 jyldar aralyǵynda jyl saıyn 1 trln. 702 mlrd. teńge somasynda aıqyndaldy. Osy kezeń ishinde jyl saıyn bólinetin kepildendirilgen transfert kezinde Ulttyq qordaǵy tómendemeıtin qaldyq Іshki jalpy ónimge otyz paıyzdan tómen bolmaıtyn shekteý sol qalpynsha qalady», - dedi Ulttyq ekonomıka mınıstri Erbolat Dosaev.
Onyń aıtýynsha, boljamǵa sáıkes, Ulttyq qor qarajatynyń jalpy kólemi 2015 jyly 97 mlrd. dollardan 2017 jyly 115 mlrd. 600 mln. dollarǵa deıin ulǵaıady.
«Zań jobasyn qabyldaý áleýmettik saladaǵy jańa bastamalardy qosa alǵanda respýblıkalyq bıýdjet shyǵystaryn tolyq kólemde qarjylandyrýǵa múmkindik beredi», - dedi E. Dosaev.
