«Ulttyq qor – balalarǵa» baǵdarlamasy qalaı ázirlenip jatyr – mınıstr pikiri

ASTANA. QazAqparat – QR Ádilet mınıstri Ádilet Esqaraev «Ulttyq qor – balalarǵa» atty jańa baǵdarlamanyń qalaı júzege asyrylyp jatqanyn aıtty, dep habarlaıdy QazAqparat tilshisi.

«Qazirgi ýaqytta arnaıy zań jobasy ázirlendi, Májilistiń qaraýyna berilip, jumys toptarynda talqylanyp jatyr. Jaqyn arada Májiliske qabyldanady dep úmittenemin», - dedi mınıstr Astana halyqaralyq forýmynyń kýlýarynda.

Onyń aıtýynsha, jeke tulǵalardyń derekter bazasy men málimetter mınıstrlikte saqtalady.

«Zań jobasynda tólem somasy, balalardyń óz shotyna qarajat alý quqyǵy, qansha jasqa deıin qansha teńge alatyny bekitiledi. Bul túzetýler Bıýdjet kodeksi men basqa da zańnamalyq aktilerge engiziledi. ıAǵnı, bala 18 jasqa tolǵanda tólemdi alý týraly tıisti ótinim beredi. Ári qaraı óz qalaýynsha zańnama aıasynda oqýǵa nemese baspanaǵa jumsaı alady. 18 jasqa deıin ár balaǵa shamamen bir jarym mıllıon teńge tólenedi», - dep túsindirdi mınıstr.

Zań jobasy 2024 jyldyń 1 qańtarynda kúshine enedi.