Ulttyq qor aktıvteri bir aıda 1 mlrd dollarǵa qysqardy - Erbolat Dosaev

NUR-SULTAN. QazAqparat - Ulttyq qor aktıvteri bir aıda 1 mlrd dollarǵa qysqardy. Bul týraly búgin Úkimet otyrysynda 10 aıdaǵy elimizdiń áleýmettik-ekonomıkalyq damýy jaıynda baıandaǵan QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Aldyn ala derekter boıynsha qazanda Ulttyq banktiń altyn-valıýta rezervteri kóbinese memlekettik boryshty tóleý jáne ınterventsııa júrgizý esebinen 33,6 mlrd AQSh dollaryna deıin 200 mln AQSh dollaryna tómendedi. Ulttyq qordyń aktıvteri respýblıkalyq bıýdjetke 230 mlrd teńge kóleminde kepildik berilgen transfertti bólý, sondaı-aq pandemııanyń qaıtalaný táýekelderin iske asyrýǵa baılanysty qarjy naryqtaryndaǵy teris túzetýler esebinen bir aıda 1 mlrd AQSh dollaryna qysqaryp, 56,3 mlrd AQSh dollaryn qurady», - dedi ol.

UB tóraǵasynyń aıtýynsha, qazandaǵy teris túzetýlerge qaramastan, 2020 jyldyń basynan bastap ınvestıtsııalyq kiris shamamen 950 mln AQSh dollary boldy.

«Osy jylǵy qazannyń sońynda Qazaqstannyń halyqaralyq rezervteri aldyn ala derekter boıynsha bir aıda 1,3 paıyzǵa azaıyp, 89,9 mlrd AQSh dollaryn qurady», - dedi Erbolat Dosaev.