Ulttyq qor aktıvteri 1 aıda 530 mln dollarǵa ulǵaıdy
NUR-SULTAN. QazAqparat – Ulttyq qor aktıvteri 1 aıda 530 mln dollarǵa ulǵaıdy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Ulttyq qordyń aktıvteri bıylǵy jylǵy sáýirdiń aıaǵynda bir aıda 530 mln AQSh dollaryna ulǵaıyp, 57,6 mlrd AQSh dollaryn qurady. Osy jylǵy sáýirde 333 mlrd teńgege nysanaly jáne kepildendirilgen transfertter bólýdi qamtamasyz etý úshin 788 mln AQSh dollary satyldy», - dedi ol.
Onyń atap ótýinshe, Ulttyq qordyń ınvestıtsııalyq kirisi osy jylǵy sáýirde 1,1 mlrd AQSh dollary nemese 2 paıyz boldy. Bul rette aktsııalar portfeliniń ósýi 734 mln AQSh dollaryn, oblıgatsııalar portfeliniń ósýi 278 mln AQSh dollaryn jáne altynnyń ósýi 106 mln AQSh dollaryn qurady.
«Jyldyń basynan bastap Ulttyq qordyń ınvestıtsııalyq kirisi negizinen osy jylǵy sáýirde oblıgatsııalar naryǵynyń qalpyna kelýi jáne aktsııalar naryǵyndaǵy ósý arqasynda 940 mln AQSh dollaryn nemese 1,7 paıyzdy qurady», - dedi Erbolat Dosaev.
