Ulttyq qor aktıvi bir aıda 850 mln dollarǵa artty - UB
«Jalpy halyqaralyq rezervter qazan aıynda 85,4 mlrd dollardan 1 mlrd dollarǵa ósti. Altyn-valıýta rezervteri ótken aıda 33,0 mlrd dollarǵa deıin 1 paıyzǵa artyp, ımporttyń shamamen 7,1 aıyn jabýǵa múmkindik berdi. Ulttyq qordyń aktıvteri ótken aıda 52,4 mlrd dollarǵa deıin, 1,5 paıyzǵa ósti. Jyl basynan beri qarajatty paıdalanýdyń qorǵa túsetin túsimderden asyp ketýi aıasynda 5,3 paıyzǵa tómendegeni tirkeldi», - dedi ol.
Onyń atap ótýinshe, respýblıkalyq bıýdjetke 4 trln teńge somaǵa transfert bólý úshin jyl basynan beri 3,8 mlrd dollarǵa valıýtalyq aktıvter satyldy.
«Aqsha-kredıt saıasatyn kúsheıtý turǵysynan damyǵan elderdegi ortalyq bankterdiń rıtorıkasy aıasynda oblıgatsııalar men aktsııalar naryǵynyń jyl basynan beri quldyraǵanyn kórdik. Alaıda, qazan aıynda aktsııalar naryǵynda 7,2 paıyz ósý baıqaldy. Sonyń áserinen Ulttyq qordyń aktıvteri qazan aıynda 851 mln dollarǵa artty», - dedi Berik Sholpanqulov.
