Ulttyq qor 2,4 mlrd AQSh dollar kóleminde ınvestıtsııalyq tabys tapty
ALMATY. QazAqparat - QR Ulttyq banki Ulttyq qor qarjysynyń bıylǵy alǵashqy jartyjyldyqtaǵy ınvestıtsııalyq tabysyn jarııalady, dep habarlaıdy QazAqparat tilshisi QR Ulttyq bankiniń baspasóz qyzmetine silteme jasap.
Investıtsııalyq operatsııalardy júzege asyrý erejelerine sáıkes QR Ulttyq qorynyń bazalyq valıýtasy - AQSh dollary bolyp tabylady.
«Basqarý nátıjesi boıynsha 2017 jyldyń alǵashqy toqsanynda 1,3 mlrd ınvestıtsııalyq tabys túsken. Bastapqy derekter boıynsha, jartyjyldyqta ınvestıtsııalyq tabys kólemi 2,4 mlrd AQSh dollaryna jetti», - dep málim etti baspasóz qyzmeti.
Mamandar jarııalanymdaǵy 784 mlrd teńge kólemindegi ınvestıtsııalyq shyǵyndardyń qaıdan paıda bolǵanyn túsindirdi.
«Ulttyq valıýta baǵamynyń AQSh dollaryna shaqqandaǵy baǵamy ótken jyldyń sońynan bastap (333,29) bıylǵy naýryzǵa deıin (314,79) nyǵaıýy jalpy tabysty (shyǵyndy) eseptegen kezde baǵam aıyrmasyn týdyrdy. Osy ýaqyt aralyǵynda teńge valıýtasyndaǵy aktıvterdiń quny ózgergen bolatyn», - dedi mamandar.
2016 jyldyń sońynda bekitilgen QR Ulttyq qorynyń qarajatyn qalyptastyrý jáne paıdalaný tujyrymdamasyna sáıkes Ulttyq qordyń bekitilgen kórsetkishterin, Ulttyq qor qarajatyn qalyptastyrý jáne paıdalaný týraly esepterdi, sondaı-aq sońǵy 5 jáne 10 jyldaǵy jáne basqarý bastalǵannan bergi kiristilik boıynsha nátıjeler men olardy ınvestıtsııalyq basqarý týraly esepterdi Qarjy mınıstrligi jarııalaýǵa mindetti.
