Ulttyq kompanııalardyń syrtqy qaryzdaryn qysqartý sharalary jarııalandy
«Elbasynyń Joldaýynda berilgen tapsyrmalarǵa sáıkes holdıngter men ulttyq kompanııalardyń qaryz alý operatsııalary Úkimet tarapynan qatań qadaǵalaýǵa alynatyn bolady. Kvazımemilekettik sektordyń qaryzdaryn azaıtý úshin kelesi sharalar qoldaný josparlanyp otyr: sýbektilerdi monıtorıngpen qamtýy qajet talaptardy anyqtaý; belgilengen somadan joǵary qarajatqa syrttan qaryz alýdy memlekettik josparlaý jónindegi ortalyq ýákiletti organmen mindetti túrde kelisý jáne ruhsat alý; kvazımemlekettik sektordyń qaryzdaryn basqarý úshin úılestirý keńesin qurý», - dep atap ótti mınıstr QR Parlamenti Májilisinde Úkimettiń 2016 jylǵa respýblıkalyq bıýdjettiń atqarylýy týraly esebin tanystyrý barysynda.
Onyń atap ótýinshe, jalpy memlekettik borysh eseptik jyldyń sońynda 11 trln 437 mlrd teńgeni qurady. Bul jalpy ishki ónimge shaqqanda 26 paıyzdan tómen. Boryshtyq júkteme qaýipsiz deńgeıde qalyp otyr. Kiristermen salystyrylǵanda 12 paıyzdan tómen. Bekitilgen shekti deńgeıi - 15 paıyz.
«Jalpy syrtqy qaryz 163,8 mlrd dollardy qurady. Onyń 82% jeke sektordyń qaryzdary. Kvazımemlekettik sektordyń syrtqy qaryzy 2015 jyldyń kórsetkishinen 2,6 mlrd.dollarǵa azaıyp, 16,2 mlrd dollardy qurady», - dedi Baqyt Sultanov.