Ulttyq kompanııalardyń satyp alýlary tártibin qaıta qarastyrý kerek – Memleket basshysy
NUR-SULTAN. QazAqparat – «Samuryq-Qazyna» qory men basqa da ulttyq kompanııalardyń satyp alýlary tártibin qaıta qarastyrý kerek. Búgin Parlament Májilisiniń jalpy otyrysynda Memleket basshysy Qasym-Jomart Toqaev osylaı málim etti, dep habarlaıdy QazAqparat tilshisi.
Prezıdenttiń aıtýynsha, «Samuryq-Qazyna» qorynyń satyp alýlarynyń ashyqtyǵyna qatysty máseleler bar. Osy oraıda shaǵymdar jıi túsip jatyr. Sondyqtan bul máselelerge qatysty sheshim jasalýy kerek.
Bul turǵyda «Samuryq-Qazyna» qory men basqa da ulttyq kompanııalardyń satyp alýlary tártibin qaıta qarastyrý mindeti alda tur.
«Ótken jyly retteletin satyp alýlar týraly zań shyqty. Alaıda máselelerdiń kóbisi burynǵysynsha zańǵa táýeldi aktiler men qordyń sheshimi deńgeıinde sheshilip keledi. «Samuryq-Qazyna» erejeleri men rásimderin Qarjy mınıstrligi men Básekelestikti qorǵaý jáne damý agenttigimen kelisýdi qamtamasyz etý kerek»,- dedi Qasym-Jomart Toqaev.
Budan buryn habarlanǵandaı, Prezıdent «Samuryq-Qazyna» qory men ondaǵy sheteldik mamandardy synady.
