Ulttyq kompanııalarda biraz qysqartýlar bolady - Ó. Shókeev
ASTANA. 3 aqpan. QazAqparat /Arman Asqarov/ - Aldaǵy ýaqytta «Samuryq Qazyna» qoryna qarasty Ulttyq kompanııalardyń ortalyq apparattary qysqarady.
Bul týraly búgin jýrnalısterge suhbat bergen «Samuryq Qazyna» Ulttyq ál-aýqat qorynyń tóraǵasy Ómirzaq Shókeev málim etti.
Onyń habarlaýynsha, «QazMunaıGaz» kompanııasynyń ortalyq apparaty 25 paıyzǵa, «QazMunaıGaz. Barlaý jáne óndirý» kásipornynda bolatyn qysqartýlar 50 paıyzǵa deıin barady.
«Buǵan deıin Qazaqstan temir joly» kompanııasy óz apparatyn 15 paıyzǵa qysqartqan bolatyn. Aldaǵy ýaqytta taǵy 17 paıyzǵa qysqartý bolady degen jospar bar. Osy oraıda atap óter basty másele, ol Ulttyq kompanııalarda bolatyn qysqartýlar bul jappaı qysqartý emes. Ony tıimsiz eńbek kúshin qysqartý dep túsiný qajet», - dep atap kórsetti Ó. Shókeev.
