Ulttyq kompanııalar taza kiristerinen 100 paıyzǵa deıin memleketke dıvıdent tóleýi tıis - Toqaev
NUR-SULTAN. QazAqparat - Ulttyq kompanııalar taza kiristerinen 100 paıyzǵa deıin memleketke dıvıdent tóleýi tıis. Bul týraly Aqordada Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Qazirgi sátte teńgeniń aıyrbas baǵamyn turaqtandyrýǵa qol jetkizý mańyzdy. Osy maqsatta Ulttyq bankke, Úkimetke jáne kvazımemlekettik kompanııalardyń basshylaryna kvazımemlekettik sektor sýbektileriniń eksporttyq túsimderiniń bir bóligin eldiń valıýta naryǵynda mindetti túrde satýyn qamtamasyz etýdi tapsyramyn», - dedi Memleket basshysy.
Sonymen qatar, Qasym-Jomart Toqaev mindettemelerge baılanysty kvazımemlekettik kompanııalardyń valıýtalyq depozıtterin Qazaqstannyń qarjy júıesine kezeń-kezeńimen qaıtarýdyń jospar-kestesin túzýdi tapsyrdy.
«Ulttyq kompanııalar ótken jyl úshin taza kiristerinen 100 paıyzǵa deıin mólsherde memleketke dıvıdent tóleýdi júrgizýi tıis dep sanaımyn», - dedi QR Prezıdenti.
