Ulttyq kompanııalar men holdıngterden taýarlar men qyzmetterdi satyp alýdyń úlgi erejeleri bekitildi

  Qazaqstan Respýblıkasy Úkimetiniń qaýlysy

2012 jylǵy 3 qyrkúıek №1139 Astana, Úkimet Úıi 

«Ulttyq basqarýshy holdıng, Ulttyq holdıngter, ulttyq kompanııalar jáne aktsııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesin bekitý týraly» Qazaqstan Respýblıkasy Úkimetiniń 2009 jylǵy 28 mamyrdaǵy № 787 qaýlysyna ózgerister men tolyqtyrýlar engizý týraly 

Qazaqstan Respýblıkasynyń Úkimeti qaýly etedi:

1. «Ulttyq basqarýshy holdıng, Ulttyq holdıngter, ulttyq kompanııalar jáne aktsııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesin bekitý týraly» Qazaqstan Respýblıkasy Úkimetiniń 2009 jylǵy 28 mamyrdaǵy № 787 qaýlysyna (Qazaqstan Respýblıkasynyń PÚAJ-y, 2009 j., № 27-28, 245-qujat) mynadaı ózgerister men tolyqtyrýlar engizilsin:

kórsetilgen qaýlymen bekitilgen Ulttyq basqarýshy holdıngter, ulttyq holdıngter, ulttyq kompanııalar jáne aktsııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar júzege asyratyn taýarlardy, jumystardy jáne kórsetiletin qyzmetterdi satyp alýdyń úlgi erejesinde:

2-tarmaq mynadaı redaktsııada jazylsyn:

«2. Osy Úlgi erejede paıdalanylatyn negizgi termınder men uǵymdar:

1) áleýetti ónim berýshi - kásipkerlik qyzmetti júzege asyratyn jeke tulǵa, zańdy tulǵa (eger Qazaqstan Respýblıkasynyń zańdarynda olar úshin ózgeshe belgilenbese, memlekettik mekemelerdi qospaǵanda), satyp alý týraly shart jasasýǵa úmitker zańdy tulǵalardyń ýaqytsha birlestigi (konsortsıým);

2) jergilikti qamtý - satyp alý týraly shartty oryndaýǵa jumyldyrylǵan Qazaqstan Respýblıkasynyń azamattaryna eńbekaqy tóleý qunynyń osy shart boıynsha jalpy eńbekaqy tóleý qorynan jáne (nemese) satyp alý týraly shart boıynsha taýardyń (taýarlardyń) jalpy qunynan Qazaqstan Respýblıkasy rezıdentteriniń jetkilikti dárejede qaıta óńdeý nemese tolyǵymen óndirý ólshemderine sáıkes taýarda (taýarlarda) belgilengen qazaqstandyq shyǵý tegi úlesiniń (úlesteri) qunynan paıyzdyq qamtý;

3) memlekettik satyp alý veb-portaly - elektrondyq memlekettik satyp alýdyń elektrondyq qyzmetterine biryńǵaı qol jetimdilik núktesin beretin memlekettik aqparattyq júıe (www.goszakup.gov.kz);

4) otandyq jumystardy, kórsetiletin qyzmetterdi berýshiler - Qazaqstan Respýblıkasynyń jumystardy oryndaý, qyzmetterdi kórsetý jónindegi jergilikti eńbek resýrstarynyń keminde toqsan bes paıyzyn paıdalanatyn Qazaqstan Respýblıkasynyń rezıdentteri bolyp tabylatyn jeke jáne (nemese) zańdy tulǵalar;

5) otandyq kásipkerler - Qazaqstan Respýblıkasynyń rezıdentteri bolyp tabylatyn jáne kásipkerlik qyzmetti júzege asyratyn áleýetti ónim berýshiler;

6) otandyq taýar óndirýshiler - Qazaqstan Respýblıkasynyń rezıdentteri bolyp tabylatyn jáne mynalardy:

Qazaqstan Respýblıkasy Úkimetiniń 2009 jylǵy 22 qazandaǵy № 1647 qaýlysymen bekitilgen Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý, ári taýardyń shyǵý tegi týraly sertıfıkatty resimdeý, kýálandyrý jáne berý jónindegi erejeniń 5-tarmaǵynda sanamalanǵan, tolyǵymen Qazaqstan Respýblıkasynda óndirilgen taýarlardy;

Qazaqstan Respýblıkasy Úkimetiniń 2009 jylǵy 22 qazandaǵy № 1647 qaýlysymen bekitilgen Taýar shyǵarylǵan eldi anyqtaý, taýardyń shyǵý tegi týraly saraptama aktisin jasaý jáne berý ári taýardyń shyǵý tegi týraly sertıfıkatty resimdeý, kýálandyrý jáne berý jónindegi erejeniń 7-tarmaǵynda belgilengen jetkilikti túrde óńdeý ólshemderine sáıkes Qazaqstan Respýblıkasynda jetkilikti túrde qaıta óńdelgen taýarlardy óndiretin áleýetti ónim berýshiler (budan ári - otandyq taýar óndirýshiler) - jeke jáne (nemese) zańdy tulǵalar;

7) ónim berýshi - kásipkerlik qyzmetti júzege asyratyn jeke tulǵa, zańdy tulǵa (eger Qazaqstan Respýblıkasynyń zańdarynda ózgeshe belgilenbese, memlekettik mekemelerdi qospaǵanda), tapsyrys berýshimen satyp alý týraly jasalǵan shartta onyń kontragenti retinde áreket etetin zańdy tulǵalardyń ýaqytsha birlestigi (konsortsıým);

8) satyp alý - tapsyrys berýshilerdiń mynalardy:

eńbek sharttary boıynsha jeke tulǵalarda ne qyzmetterdi ótemdi kórsetý sharttary boıynsha kásipkerlik qyzmet sýbektileri bolyp tabylmaıtyn jeke tulǵalarda júzege asyrylatyn qyzmetterdi satyp alýdy;

jarnalardy (salymdardy), onyń ishinde qurylǵan zańdy tulǵalardyń jarǵylyq kapıtalyna engizýdi;

zańdy tulǵalar jarǵylyq kapıtalyndaǵy úlesti satyp alýdy;

Qazaqstan Respýblıkasynyń halyqaralyq sharttaryna sáıkes, sondaı-aq Qazaqstan Respýblıkasy múshesi bolyp tabylatyn halyqaralyq uıymdar qarjylandyratyn ınvestıtsııalyq jobalardy iske asyrý sheńberinde júzege asyrylatyn taýarlardy, jumystardy jáne qyzmetterdi satyp alýdy;

Qazaqstan Respýblıkasy Ulttyq Banki, bankter jáne Qazaqstan Respýblıkasynyń zańnamasyna sáıkes alynǵan lıtsenzııalardyń negizinde banktik operatsııalardyń jekelegen túrlerin júzege asyratyn uıymdar júzege asyratyn banktik operatsııalardy júrgizýge qarjy qyzmetterin satyp alýdy qospaǵanda, tapsyrys berýshiniń jumys isteýin, sondaı-aq fýnktsııalaryn ne jarǵylyq qyzmetin oryndaýyn qamtamasyz etý úshin qajet taýarlardy, jumystardy, kórsetiletin qyzmetterdi tapsyrys berýshilerdiń osy Úlgi erejede, sondaı-aq azamattyq zańnamada belgilengen tártippen júzege asyrylatyn aqyly negizde satyp alý;

Qazaqstan Respýblıkasynyń elektr energetıkasy, elektr jáne (nemese) jylý energııasy týraly zańnamasyna sáıkes ortalyqtandyrylǵan saýda-sattyqta, spot naryǵynda Qazaqstan Respýblıkasynyń jańartylatyn energııa kózderin paıdalanýdy qoldaý salasyndaǵy zańnamasyna sáıkes júzege asyratyn bilikti energııa óndirýshi uıymdardan teńgerimdelgen elektr energııasyn, elektr energııasyn satyp alý;

teńiz portynda alynatyn alymdar men tólemderdi tóleý;

issapar shyǵystaryna ótemaqy tóleý;

basqarý organynyń baqylaý keńesiniń múshelerine syıaqylar tóleýdi;

Qazaqstan Respýblıkasynyń rezıdenti bolyp tabylatyn aýyl sharýashylyǵy ónimin óndirýshilerden aýyl sharýashylyǵy ónimderin jáne onyń qaıta óńdelgen ónimderin Qazaqstan Respýblıkasynyń zańnamasyna sáıkes júzege asyrylatyn aýyl sharýashylyǵy ónimderin jáne onyń qaıta óńdelgen ónimderin, sondaı-aq olardy saqtaý, óńdeý jáne tasymaldaý jónindegi kórsetiletin qyzmetterdi satyp alý;

«Astana qalasynda Jańa meshit salý jónindegi jobalaý kompanııasy» korporatıvtik qorynyń demeýshilik jáne (nemese) qaıyrymdylyq kómekten túsken aqsha esebinen Astana qalasynda jańa meshit salý qurylysyna baılanysty taýarlardy, jumystar men kórsetiletin qyzmetterdi satyp alý;

ulttyq basqarýshy holdıngtiń strategııalyq konsýltatıvtik-keńesshi organynyń qyzmetin qamtamasyz etý úshin ulttyq basqarýshy holdıngtiń qyzmetterdi satyp alýy;

otandyq jáne sheteldik selektsııanyń asyl tuqymdy maldary men aýyl sharýashylyǵy maldaryn satyp alý;

9) satyp alýdy uıymdastyrýshy - satyp alýdy uıymdastyrý jáne júrgizý rásimderin oryndaýǵa jaýapty óziniń qurylylymdyq bólimshesi atynan tapsyrys berýshi ne satyp alýdy uıymdastyrý jáne júrgizý rásimderin oryndaý maqsatynda tapsyrys berýshi anyqtaǵan zańdy tulǵa;

10) strategııalyq áriptester - tapsyrys berýshi aıqyndaıtyn uıym, onyń ishinde qajetti resýrstarǵa (ıntellektýaldyq, ǵylymı, ádisnamalyq, bilim berý, tehnologııalyq, kadrlyq) ıe jáne mynadaı:

qazirgi zamanǵy ádisnamalar men jańa tehnologııalardy bilim berýge engizý;

bilim berýdiń ınnovatsııalyq mazmuny men qazirgi zamanǵy bilim berý baǵdarlamalaryn ázirleý jáne engizý;

bilim berý qyzmeti men onyń nátıjelerine, onyń ishinde oqytýdyń sapasyna jáne oqýshylardyń bilim berý baǵdarlamalaryn meńgerý nátıjelerine monıtorıngti, syrtqy baqylaýdy júzege asyrý;

bilim berý qyzmetiniń sapasyn, balalar men pedagogtardy konkýrstyq irikteýdiń aspaptary men tehnologııalaryn baqylaý men baǵalaý quraldaryn ázirleý jáne engizý;

oqytý úderisin qamtamasyz etetin kabınetter men zerthanalar úshin jabdyqtardy ázirleý jáne óndirý salalarynyń birinde nemese birnesheýinde halyqaralyq qyzmet tájirıbesi bar sheteldik uıym;

11) taýarlardyń, jumystardyń, qyzmetterdiń jáne olardy berýshilerdiń derekqory - jergilikti qamtýdy damytý salasyndaǵy ulttyq damý ınstıtýty qalyptastyratyn jáne júrgizetin otandyq taýarlardyń, jumystardyń, qyzmetterdiń jáne olardy berýshilerdiń tizbesi;

12) tehnologııalyq memorandým - ındýstrııalyq-ınnovatsııalyq qyzmetti memlekettik qoldaý salasyndaǵy ýákiletti organ ulttyq basqarýshy holdıngtermen, ulttyq holdıngtermen, ulttyq kompanııalarmen jáne olarmen affılıırlengen zańdy tulǵalarmen jasasatyn jáne satyp alynatyn taýarlardyń, jumystar men kórsetiletin qyzmetterdiń tizbesin jáne kepildendirilgen memlekettik tapsyrysty ornalastyrýdy aıqyndaıtyn kelisim;

13) kepildendirilgen tapsyrys - ulttyq basqarýshy holdıngterdiń, ulttyq holdıngterdiń, ulttyq kompanııalardyń jáne olarmen affılıırlengen zańdy tulǵalardyń taýarlardyń, jumystardyń, qyzmetterdiń jáne olardy berýshilerdiń derekqoryna engizilgen taýarlardy, jumystardy jáne qyzmetterdi satyp alýy;

14) tapsyrys berýshiler - ulttyq basqarýshy holdıng, ulttyq holdıngter, ulttyq kompanııalar jáne aktsııalarynyń (qatysý úlesteriniń) elý jáne odan da kóp paıyzy tikeleı nemese janama túrde ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar.»;

3-tarmaqtyń 6) tarmaqshasy mynadaı redaktsııada jazylsyn:

«6) satyp alýda jergilikti qamtýdy ulǵaıtýdy;»;

6-tarmaq mynadaı redaktsııada jazylsyn:

«6. Tapsyrys berýshi satyp alý josparyn bekitken kúninen bastan bes jumys kúni ishinde, sondaı-aq satyp alý josparyna ózgerister jáne (nemese) tolyqtyrýlar engizgen kúninen bastap bes jumys kúni ishinde memlekettik satyp alý veb-portalynda osy Úlgi erejege 1-qosymshaǵa sáıkes taýarlardy, jumystardy, kórsetiletin qyzmetterdi josparlanatyn satyp alý jónindegi aqparatty ornalastyrady.»;

11 - tarmaqta:

5) tarmaqsha mynadaı redaktsııada jazylsyn:

«5) bir kózden satyp alý;»:

mynadaı mazmundaǵy 6) tarmaqshamen tolyqtyrylsyn:

«6) kepildendirilgen tapsyrys.».

12 - tarmaq mynadaı redaktsııada jazylsyn:

«12. Osy Úlgi erejeniń 11-tarmaǵynda kózdelgen tásildermen satyp alýdy júrgizý rásimderin tapsyrys berýshi satyp alý erejesin ázirleý kezinde belgileıdi.

Taýarlardy, jumystar men qyzmetterdi satyp alýdy júrgizý kezinde tapsyrys berýshiler:

1) tenderge qatysýshylarǵa beriletin tenderlik qujattamada tenderge qatysýshy - taýarlardy, jumystar men qyzmetterdi qazaqstandyq óndirýshilerdiń (otandyq taýar óndirýshilerdiń jáne jumystar men qyzmetterdi berýshilerdiń) baǵalaryn shartty túrde azaıtý jónindegi talaptardy kózdeıdi;

2) taýarlardy, jumystar men qyzmetterdi qazaqstandyq óndirýshilerdiń (otandyq taýar óndirýshilerdiń jáne jumystar men qyzmetterdi berýshilerdiń) ótinimderin qaraý jáne tenderdiń jeńimpazyn tańdaý kezinde baǵany shartty túrde azaıtýdy qoldanady;

3) tenderge qatysýshylardyń baǵa usynystary teń bolǵan kezde taýarlardy, jumystar men qyzmetterdi jergilikti óndirýshilerge (otandyq taýar óndirýshilerge jáne jumystar men qyzmetterdi berýshilerge) artyqshylyq beredi.

Tapsyrys berýshiler saýda jáne ındýstrııalyq saıasatty memlekettik retteý salasyndaǵy ýákiletti organǵa taýarlar men qyzmetterdi satyp alýdaǵy jergilikti qamtý jónindegi aqparatty olar belgilegen nysan boıynsha jáne merzimde beredi.

Ulttyq basqarýshy holdıngtiń jáne aktsııalarynyń (jarǵylyq kapıtaldaǵy qatysý úlesteri) elý jáne odan da kóp paıyzy tikeleı nemese janama túrde ulttyq basqarýshy holdıngke tıesili uıymdardyń taýarlardy, jumystardy jáne qyzmetterdi satyp alýdaǵy jergilikti qamtý jónindegi aqparat shoǵyrlandyrylyp, ulttyq basqarýshy holdıng atynan saýda jáne ındýstrııalyq saıasatty memlekettik retteý salasyndaǵy ýákiletti organǵa olar belgilegen nysan boıynsha jáne merzimde beredi.

Satyp alý qaǵıdalary osy Úlgi erejeniń 11-tarmaǵynyń 1), 2) jáne 3) tarmaqshalarynda kózdelgen tásildermen júzege asyrylatyn satyp alýdyń júzege asyrylýy jáne satyp alý qorytyndylary týraly habarlandyrýlardy memlekettik satyp alý veb-portalynda mindetti túrde ornalastyrý týraly talaptardy qamtýǵa tıis.»;

mynadaı mazmundaǵy 18-1, 19-1-tarmaqtarmen tolyqtyrylsyn:

«18-1. Kepildendirilgen tapsyrys tásilimen satyp alý ındýstrııalyq-ınnovatsııalyq qyzmetti memlekettik qoldaý salasyndaǵy ýákiletti organ men ulttyq basqarýshy holdıngter, ulttyq holdıngter, ulttyq kompanııalar jáne olarmen affılıırlengen zańdy tulǵalar (budan ári - kepildendirilgen tapsyrysty ornalastyratyn tapsyrys berýshi) arasynda tehnologııalyq memorandým jasalǵan jaǵdaıda júzege asyrylady.»;

«19-1. Kepildendirilgen tapsyrysty taýarlardyń, jumystardyń jáne qyzmetterdiń derekqoryna engizilgen taýarlardy, jumystardy jáne qyzmetterdi áleýetti berýshilerdiń barlyǵynyń arasynda kepildendirilgen tapsyrysty ornalastyratyn tapsyrys berýshi satyp alýdy uıymdastyrý arqyly mynadaı tártippen ornalastyrady:

1) ındýstrııalyq-ınnovatsııalyq qyzmetti memlekettik qoldaý salasyndaǵy ýákiletti organ men ulttyq basqarýshy holdıngter, ulttyq holdıngter, ulttyq kompanııalar jáne olarmen affılıırlengen zańdy tulǵalar arasynda jasalǵan tehnologııalyq memorandýmda aıqyndalǵan, satyp alynatyn taýarlardyń, jumystardyń jáne qyzmetterdiń tizbesi negizinde kepildendirilgen tapsyrysty ornalastyratyn tapsyrys berýshi taýarlardyń, jumystardyń jáne qyzmetterdiń derekqoryna engizilgen taýarlardy, jumystar men qyzmetterdi berýshiler arasynda kepildendirilgen tapsyrys boıynsha satyp alýdy jarııalaıdy;

2) kepildendirilgen tapsyrysty ornalastyratyn tapsyrys berýshi kepildendirilgen tapsyrys boıynsha satyp alýdy júrgizedi jáne olardyń óndiristik qýatyn esepke ala otyryp, bir nemese birneshe áleýetti ónim berýshileri aıqyndaıdy;

3) ótkizilgen satyp alý negizinde kepildendirilgen tapsyrysty ornalastyratyn tapsyrys berýshi óndiristi uıymdastyrý jáne kepildendirilgen tapsyrysty ornalastyratyn tapsyrys berýshiniń osy shartta kórsetilgen tehnıkalyq jáne baǵa talaptaryna sáıkes keletin taýardy jetkizý boıynsha áleýetti ónim berýshimen (lermen) (budan ári - ónim berýshi) keminde úsh jyl merzimge kepildendirilgen tapsyrys shartyn (taryn) jasasady;

4) ónim berýshi (ler) kepildendirilgen tapsyrys shartynyń talaptaryna sáıkes shartta kórsetilgen merzimde taýar óndirýdi uıymdastyrady jáne kepildendirilgen tapsyrysty ornalastyratyn tapsyrys berýshiniń tehnıkalyq jáne baǵa talaptaryna sáıkes keletin taýardy jetkizedi.».

mynadaı mazmundaǵy 20-1-tarmaqpen tolyqtyrylsyn:

«20-1. Tapsyrys berýshi aı saıyn, esepti kezeńnen keıingi aıdyń 25-kúninen keshiktirmeı memlekettik satyp alý veb-portalynda osy Úlgi erejege 2-qosymshaǵa sáıkes satyp alynǵan taýarlar, jumystar, kórsetiletin qyzmetter týraly aqparatty ornalastyrady.».

2. Osy qaýly alǵashqy resmı jarııalanǵan kúninen bastap qoldanysqa engiziledi.

 Qazaqstan Respýblıkasynyń

Premer-Mınıstri K.MÁSІMOV.

Tolyq mátini