Ulttyq kompanııa ókilderi qostanaılyq kásipkerlerdi áriptestikke shaqyrdy
QOSTANAI. QazAqparat - Búgin Qostanaı qalasynda oblys ákimi Arhımed Muhambetovtiń jáne óńirdiń bıznes-qoǵamdastyǵynyń qatysýymen keńeıtilgen keńes ótti, dep habarlaıdy «QazAqparat» HAA tilshisi.
Aýqymda sharaǵa Nur-Sultan qalasynan mınıstrlikter men ulttyq kompanııalardyń ókilderi arnaıy shaqyrtyldy. Astanalyq meımandar óńirge ınvestıtsııa tartý, ónerkásipti, shaǵyn jáne orta bıznesti damytý múmkindikterin túsindirip berdi. Oblys ákimi Arhımed Muhambetov aıtqandaı, bul tusta memlekettiń kásipkerlikti qoldaýǵa barynsha den qoıǵanyna toqtaldy.
«Byltyr Qostanaıda halyqaralyq ınvestıtsııalyq forým ótti. Ol bıyl da, úshinshi ret kúz aılarynda uıymdastyrylady. Ótken aıda oblysymyzǵa QR Prezıdenti Qasym-Jomart Kemeluly kelip ketti. Sapar nátıjesi boıynsha, óńirdiń bıznes-qaýymdastyǵymen kezdesip, olardyń jumysyna oń baǵasyn berdi. Oblys ekonomıkasyn damytý maqsatynda alǵa qoıylǵan josparlar, atqarar jumystar kóp. Máselen, bıyl shaǵyn jáne orta bıznestiń oblysaralyq úlesin 28,2%-ǵa jetkizýimiz kerek. Ol byltyr 25% bolǵan. Endi Elbasy tapsyrmasy boıynsha, jyl saıyn 3%-ǵa arttyryp otyrýymyz qajet», - dedi Arhımed Muhambetov.
Oblys ákimi óńir kásipkerleriniń belsendilik tanytýy kerek tustardyń áli kóp ekenin aıtty. Ásirese, ınvestıtsııalyq komıtetter, ulttyq kompanııalar usynǵan artyqshylyqtardy qoldanýǵa beıimdelý kerek. Qazaqstandyq ındýstrııa jáne eksport ortalyǵynyń mamany Álisher Ábdiqadyrov ınnovatsııalyq granttar, shyǵynnyń ornyn toltyrý, salyqtyq jeńildikter sekildi bıznesti qoldaý sharalary týraly keń kólemde málimet berdi. Al «Damý» kásipkerlikti damytý qorynyń ókili Dáýlet Ábilqaıyrov Qostanaı oblysyna quıylǵan qoldaý qarjylaryn aıtyp berdi.
«Osy jyly Qostanaı oblysynda 1957 jobaǵa 148 mlrd teńge qarastyrylǵan. «Nurly jer» baǵdarlamasy boıynsha 6 jobaǵa 2 mlrd teńge, «Bıznestiń Jol kartasy-2020» baǵdarlamasy boıynsha 350 jobaǵa 14 mlrd teńge aýdaryldy», - dedi ol.
KAZAKHEXPORT ulttyq kompanııasynyń múshesi Rýslan Ysqaqov eksportty qoldaý múmkindikterinen maǵlumat berdi. El boıynsha 80-nen astam kásiporyn bul kompanııamen áriptes bolsa, sonyń bir parasy Qostanaıdan. Atap aıtqanda, «Baıan-Sulý», «Arasan», «SaryarqaAvtoprom», «Terra» syndy birneshe iri ónerkásipterdiń shetelmen ekonomıkalyq qarym-qatynastardaǵy qamqor qyzmettesine aınalǵan. Kompanııa ózge de qostanaılyq bıznes ókilderin áriptes bolýǵa shaqyrdy.
Jıyn sońynda oblys ákimi A.Muhambetov óńirdiń bıznes-qaýymdastyǵynyń mınıstrliktermen, ulttyq kompanııalarmen birige atqarýy tıis birneshe mindetti aıqyndap, aýdan-qala ákimderine naqty tapsyrmalar júktedi.
Buǵan deıin Qostanaı oblysynyń ónerkásip óndirisinde aıtarlyqtaı ósim baıqalǵanyn habarlaǵan bolatynbyz.
