Ulttyq komıssııanyń otyrysynda G.Ábdiqalyqova el ekonomıkasyndaǵy áıelder sanyn arttyrýdyń mańyzdylyǵyn atap ótti
Bul týraly Aqordanyń resmı saıtynda habarlandy.
Otyrysta Memleket basshysynyń «Nurly jol - bolashaqqa bastar jol» atty Joldaýyn iske asyrý aıasynda el ekonomıkasynyń ındýstrııalyq-ınnovatsııalyq damýyna áıelderdiń qatysý belsendiligin arttyrý máseleleri qaraldy.
Ulttyq ekonomıka, Investıtsııalar jáne damý mınıstrlikteri basshylary óz sózderinde ındýstrııalandyrý baǵdarlamasynyń birinshi besjyldyǵynda 770 joba iske qosylǵanyn atap ótti. Bul jobalarǵa 63 myń adam tartylsa, onyń 18 myńy (29%) - áıelder. Tutastaı alǵanda, áıelderdiń elimizdegi ІJÓ-ge qosqan úlesi shamamen 40% bolady.
G.Ábdiqalyqova áıelderdiń el ekonomıkasyndaǵy sanyn arttyrýdyń mańyzyna toqtalyp, Halyqaralyq valıýtalyq qor sarapshylarynyń sózimen aıtqanda, «Eńbek naryǵyna áıelder barynsha kóp aralasqan saıyn, álemdik ІJÓ meılinshe ósetinin, birqatar elderde názik jandylar qaýymy ekonomıkanyń ósýin 30%-ǵa jedeldete alatynyn» atap kórsetti.
Otyrysta sondaı-aq memlekettik organdardyń strategııalyq josparlarynyń genderlik aspektileri, Astana, Almaty qalalary men oblystar aýmaqtaryn damytý baǵdarlamalary, Soltústik Qazaqstan oblysy ákimdiginiń óńir halqynyń reprodýktıvti densaýlyǵyn saqtaý baǵytynda qoldanylyp jatqan sharalary qaraldy. G.Ábdiqalyqova halyqtyń qalypty ósýin jáne jalpy ómir sapasyn arttyrý úshin reprodýktıvti densaýlyqty saqtaý men nyǵaıtýdyń mańyzdylyǵyn atap ótti.
Sonymen qatar, otyrysqa qatysýshylar «Áıel densaýlyǵy» atty elordalyq medıtsınalyq ortalyqtyń jumys tájirıbesimen tanysty. Ortalyq jetekshisi professor Raýshan Rahymjanova Ulttyq komıssııa músheleri nazaryn onkologııalyq aýrýlar reıtıngisinde áıelderdiń jańa bastalǵan qaterli sút bezderi aýrýynyń 1-shi orynǵa shyqqanyna aýdardy. Onyń aıtýynsha, Ortalyqta áıelder naýqasynyń reprodýktıvti kezeńdegi bastapqy dıagnostıkasyna sáýlelerdi paıdalanýdyń zamanaýı ádisteri qoldanylatynyn, ol syrqatty der kezinde anyqtap, reprodýktıvti densaýlyqty saqtaýǵa múmkindik týǵyzatynyn atap ótti.
Talqylaý qorytyndysy boıynsha Ulttyq komıssııa ortalyq jáne jergilikti memlekettik organdar úshin elimizdiń ındýstrııalyq-ınnovatsııalyq damýyna áıelderdiń qatysý belsendiligin arttyrýǵa, genderlik teńdikti jáne halyqtyń reprodýktıvti densaýlyǵyn saqtaýǵa qol jetkizýge baǵyttalǵan tıisti usynymdar berdi.
